Se Fesoasoani mō Faifeau Kelisiano
1 I te 1938, ne kamata ne te fakapotopotoga a Ieova se fakatokaga fou. Ne ‵kami atu a potukau o fakapotopotoga ke ‵kau atu ki fono o te zone, telā ko fakaigoa nei ki fono i te fenua. Se a te pogai? Ne tali mai ne te lomiga i a Ianuali, 1939, o te Informant (ko Te ‵Tou Galuega Talai i aso nei) penei: “A fono konei ne vaega o te Fakapotopotoga Telā e Pule ne te Atua mō te fakataunuga o te taviniga ki tena Malo. A fakatonutonuga kolā e tuku mai i ei e aoga ki tino taki tokotasi ko te mea ke fai faka‵lei te galuega telā ne tuku atu ke fai.” Kafai e onoono tatou ki te fanakaga ki luga o te aofaki o tino talai o te Malo mai i te 58,000 i te 1938 ki te 7,000,000 i te 2009, ko lavea ‵lei ne tatou me i fono i te fenua e lasi ‵ki te lotou aoga i te fesoasoani atu ki tino talai ke “fai te galuega telā ne tuku atu ke fai”!
2 Te Matua mō te Tausaga Fou: E olioli eiloa tatou ki te polokalame o te Fono i te fenua telā e kamata mai i a Setema mo fakamalosiga kolā ka tuku mai i ei. A te matua tenei ‘Ko se ‵Kau Koutou ki te Lalolagi’ ne siki mai i te Ioane 15:19. Ne a nisi lauga kolā ka aoga eiloa ki faifeau Kelisiano? I te Aso Ono ka fakalogo‵logo tatou ki te lauga tenei “E Puipui Tatou ne te Taviniga Tumau—E Pefea la?” Ka ‵gali foki ki a tatou a lauga fakasolo e tolu “Ke mo a ma Fakalailaigina ne . . . ” “Te Manu Fekai,” “Te Fafine Talitagata,” mo “Tino Fai Pisinisi Faima‵laga.” I te Aso Sa, ka fakalogo‵logo tatou ki lauga fakasolo kolā e fakavae ki te matua “Alofa ki a Ieova, Kae e se ki te Lalolagi.” E aofia i nisi lauga ko te “Ke Tumau e Pelā me ne ‘Tino Fakaa‵lofa Kae e se ‵Nofo Tumau’” mo te “Ke Loto Ma‵losi Koutou! E Mafai ne Koutou o Fakatakavale te Lalolagi.”
3 Mai tua o tena kauatuga ki te fono i te fenua fakamuli fua nei, ne tusi mai se tuagane e tokotasi telā ko gasolo o vāivāi i te galuega talai me i te polokalame ne fai ne ia ke toe iloilo aka ana fakanofonofoga kae ke na fakaiku aka foki ne ia ke “kau atu ki te galuega talai kae ke lava foki te fai o ana fakamasakoga!” E seai eiloa se fakalotolotolua me i te polokalame o te fono i te fenua mō te tausaga faka-te-taviniga fou ka fesoasoani mai ki a tatou katoa ke a‵lofa ki a Ieova i lō te lalolagi. (1 Ioane 2:15-17) Ke na fakamautinoa aka eiloa ke kau atu koe ki ei ko te mea ke maua katoatoa a mea aoga mai i te fakatokaga alofa tenei mō Faifeau Kelisiano!
[Fesili mo te Sukesukega]
1. Se a te fakatokaga fou telā ne kamata i te 1938, kae se a tena aoga?
2. Ne a fakamatalaga ka fakaasi mai i te fono i te fenua mō te tausaga faka-te-taviniga fou?
3. Ne a mea aoga e mafai o maua ne tatou mai i te ‵kau atu ki te fono i te fenua?