E Mata, ka Kamata ne Koe se Akoga Faka-te-Tusi Tapu i a Oketopa?

¹ A tusi kolā ka ofo atu i te masina o Oketopa ko Te Faleleoleo Maluga mo te Awake! Ko te mea ke fakatumau aka te fiafia, e fakamalosi mai ki a tatou ke ofo atu a te tamā pepa tenei ko te E Mata, e Fia Iloa ne Koe te Mea Tonu? kae taumafai malosi ke kamata se akoga faka-te-Tusi Tapu. E mafai pefea o fai ne tatou a te mea tenā i te faiga o toe asiga?

² Te Auala e Fakaaoga ei a te Tamā Pepa: E mafai o fai atu tatou penei: “A mekesini kolā ne tuku atu ne au e fakamalosi aka ei a tino mai telega mo lotu kese‵kese ke sukesuke faka‵lei ki te Tusi Tapu. [Tuku atu a te tamā pepa ko te Fia Iloa ne Koe te Mea Tonu ki te tino i te fale, kae fakasino atu ki fesili i te fakavaka.] Konei la a nisi fesili ‵gali kolā e tuku mai ne te Tusi Tapu a tali fakama‵lie loto ki ei. E mata, kai ‵sili aka eiloa ne koe se fesili mai fesili konei?” Kafai ko oti ne tali mai a te tino i te fale, ko onoono fakatasi ei koulua ki te tali ki tena fesili mai loto i te tamā pepa tenā, kae faitau atu se tusi siki e tasi. Ka oti, ko fakamatala atu ei me i te mea tenei se fakaasiga foliki fua o mea kolā e akoako mai i te Tusi Tapu, ko tuku atu ei ki a ia a te tusi ko te Akoakoga Mai i te Tusi Tapu. E mafai o sau‵tala tatou ki palakalafa muamua o se mataupu telā ne fili ne ia mai i te fakasologa o mataupu. Io me e mafai o filifili ne koe ke ‵suke koulua ki te koga telā e uke a fakamatalaga e maua mai i ei e uiga ki te mataupu telā ne sau‵tala koulua ki ei i te tamā pepa. Konei a nisi fakamatalaga kolā e mafai o fakaaoga ne tatou:

● E mata, e amanaia mai te Atua ki a tatou? (itu. 9-11, pala. 6-10)

● E mata, e mafai o fakagata a taua mo logo‵maega? (itu. 12, pala. 12-13)

● Se a te mea e tupu māfai ko ‵mate tatou? (itu. 59-60, pala. 7-8)

● E mata, e isi se fakamoemoega mō tino ‵mate? (itu. 71, pala. 13-15)

● E mafai pefea o ‵talo atu au ke lagona ne te Atua? (itu. 166-167, pala. 5-8)

● E mafai pefea o maua ne au te fiafia i te olaga? (itu. 9, pala. 4-5)

³ E tonu, kafai e se ‵lei ke kamata se akoga i te tusi ko te Akoakoga Mai i te Tusi Tapu i te asiga muamua, e mafai ne tatou o fai ne fakatokaga ke toe āsi atu ko te mea ke faka‵soko ‵tou sau‵talaga. Kae e faka‵na eiloa ki te fiafia o te tino, e mafai o āsi fakafia atu tatou ke sau‵tala ki fesili takitasi i loto eiloa i te tamā pepa tenā a koi tuai o tuku atu ki ei a te tusi. Ke na fakaaoga faka‵lei ne tatou a te tamā pepa aoga tenei i te masina o Oketopa ke kamata ki ei se akoga faka-te-Tusi Tapu kae fesoasoani atu ki tino loto fakamaoni ke iloa ne latou a te “munatonu.”​—Ioane 8:31, 32.

[Fesili mo te Sukesukega]

1. Se a te pepa telā ka ofo atu i a Oketopa?

2. E mafai pefea o fakaaoga ne tatou a te tamā pepa tenei ko te Fia Iloa ne Koe te Mea Tonu ke kamata ki ei se akoga faka-te-Tusi Tapu i te taimi e āsi atu ei koe ki se tino telā ne talia ne ia a mekesini?

3. E mafai pefea o fakakese‵kese ‵tou pati kamata e ‵tusa mo nisi fakanofonofoga?