Kafai ko Manako Fakavave Koe ki Tusi i Nisi ‵Gana

E isi ne taimi e fetaui tatou mo tino kolā e fia‵fia o fai‵tau ki ‵tou tusi i nisi ‵gana kae ko seai ne tusi penā e ‵toe. E mata, e iloa ne koe me kafai ko onoono koe ki te itaneti, e mafai o maua ne koe a tusi i ‵gana e 400 kolā ko oti ne ‵lomi? Tenei te auala e fai ei ne koe a te mea tenā:

• Fano ki te www.watchtower.org, te ‵tou fakatusitusi ‵tonu.

• I te feitu fakaatamai o te itulau tenā, e maua i ei ne koe se fakasologa o ‵gana kese‵kese. Ke ‵toko atu a te ata o te mape o te lalolagi ko te mea ke maua ne koe se fakasologa o ‵gana katoa kolā e mafai o maua.

• Ke ‵toko i te ‵gana telā e manako koe ki ei. Ka sae mai se itulau telā e fakaasi mai i ei a tusi e mafai o ‵lomi ne koe, e pelā mo tamā pepa, polosiua, mo mataupu. Ona ko te itulau tenei e tusi eiloa i te ‵gana e filifili ne koe, ke mo a ma manavase māfai e se iloa ne koe a ulutala.

• Ke ‵toko i so se tusi. Ka sae mai a te mataupu i luga i te komupiuta, ko mafai ei o ‵lomi.

A te ‵tou fakatuatusi e aofia i ei a mea kese‵kese; e mafai foki o maua i ei a nisi tusi e auala i te fakapotopotoga. Kafai ko maua ne koe se tino fiafia, se mea ‵lei ke fakamolemole atu ki tusi mai i te koga e tuku i ei a tusi a tatou.