Te ‵Tou Fakatuatusi Tonu i te Itaneti—Ke Fakaaoga i Tau Galuega Talai
Ke Fakaasi Atu ki Tino te Fakatuatusi o Tatou i te Itaneti: A nisi tino kolā ne seki fia sau‵tala io me talia ne latou a tusi ko loto fia‵fia ke iloilo aka ne latou a Molimau a Ieova mai i te onoono atu ki te fakatuatusi tenei jw.org i olotou fale eiloa. Tela la, ke fakasalalau atu te ‵tou fakatuatusi i te Itaneti i so se avanoaga telā e fetaui ‵lei.
E Tali Aka ei a Fesili: I nisi taimi, a te tino i te fale, se tino fiafia, io me se taugasoa, ka ‵sili mai ne ia se fesili e uiga ki Molimau a Ieova io me ko ‵tou talitonuga. Fakaasi atu eiloa i konā a te tali mai te fakaaogaga o se selefoni io me se komupiuta. E masani o ‵lei atu ke faitau eiloa mai te Tusi Tapu a tusi fai‵tau. Kafai e se mafai o fakaaoga ne koe te itaneti, ko fakamatala atu fua te auala e mafai ei ne te tino tena o fakaaoga a te www.jw.org ke maua aka ei ne ia a tali. Ke fano ki te “Akoakoga a te Tusi Tapu/Tali ki Fesili Faka-te-Tusi Tapu io me ko Fesili Kolā e ‵Sili ‵Soko Mai.”
Ke Faulu Atu se Mataupu io me se Tusi ki se Tino e Iloa ne Koe: Ke faka‵piki atu se ‵kopi o se mataupu io me se tusi ki se meli-iti. Io me fai se ‵kopi fakalogologo o se tusi ki luga i se CD. I taimi takitasi e tuku atu ei ne koe ki se tino seki papatiso se ‵kopi o se tusi, polosiua, io me se mekesini kātoa mai te Itaneti, e mafai o aofia ne koe i tau lipoti. E se ‵tau o lafo atu i se auala ‵funa io me i mea kātoa. Io me faulu atu ki luga i nisi fakatuatusi i te Itaneti.—Ke fano ki “Tusi.”
Ke Fakaasi Atu a Tala ‵Fou e Uiga ki Molimau a Ieova: Ka fesoasoani atu a te mea tenei ki akoga faka-te-Tusi Tapu mo nisi tino kolā e āsi atu koe ki a latou ke ati aka ne latou a te loto fakafetai ki te ata kātoa o te ‵tou galuega i te lalolagi kātoa mo te ‵tou fealofani faka-Kelisiano. (Sal. 133:1)—Ke fano ki “Tala ‵Fou.”
[Diagram on page 5]
(For fully formatted text, see publication)
Tofotofo Aka ki ei
1 Mai lalo o “Tusi,” ke onoono ki tusi kolā e manako koe ke ‵kopi mai i te itaneti, ko ‵toko ei ne koe te pate i te polokalame e manako koe ki ei mō se ‵kopi faitau io me se ‵kopi fakalogologo.
2 Ke ‵toko i te “MP3” ke lavea atu se fakasologa o mataupu takitasi. Ke ‵toko i te matua o te mataupu ke ‵kopi mai io me ke fakalogologo ki ei.
3 Ke filifili aka a te suā ‵gana mai i te fakasologa māfai e manako koe ki se tusi i se ‵gana fakaatea.