Pati e Mafai o Fai Atu e Uiga ki Mekesini

Te Faleleoleo Maluga Apelila 1

“E ta‵fao a tino e tokouke i te pelētupe io me e aofia i nisi vaega o te kemupolo. E mata, e mafai ne mea konei o fakalogo‵mae tatou? [Faka‵tali ke tali mai.] Kafai e fai a fakaikuga e uiga ki mea penei, mafaufau la ki pati fakatonutonu e tuku mai i te Tusi Tapu. [Faitau te Efeso 5:17.] E mafai pefea o iloa ne tatou a mafaufauga o te Atua e uiga ki te kemupolo? E mafai ne te mekesini tenei o fesoasoani mai ke maua ne tatou a te tali.” Ke fakaaoga a te mataupu i te itulau e 19 o te mekesini.

Te Faleleoleo Maluga Me 1

“E kese‵kese a talitonuga o tino e tokouke e uiga ki a Iesu. E mafaufau koe me e tāua ke iloa a te mea tonu e uiga ki a ia? [Faka‵tali ke tali mai. Ka oti ko faitau atu ei a te Ioane 17:3.] E fakamatala mai i te mekesini tenei a pati a te Tusi Tapu e uiga ki a Iesu—te koga ne vau ei a ia, te auala ne ola ei a ia, mo te pogai ne mate ei a ia.”