Te Auala e Tasi ke Fakaoga ei a te Polosiua ko te Bible’s Message
E tokouke a tino i ‵tou koga talai, maise eiloa a latou kolā e se ‵kau atu ki lotu Kelisiano, e se masani ‵lei mo te Tusi Tapu. I te taimi e fai ei se akoga mō vaegā tino penā i te tusi ko te Akoakoga a te Tusi Tapu, ko oti foki ne fakaaoga ne nisi tino talai a te polosiua ko te Bible’s Message ke fesoasoani atu ki olotou a‵koga ke maua ne latou se ata kātoa o te Tusi Tapu. E pelā mo se taina e tokotasi, e fakaaoga ne ia a te vaega 1 o te polosiua māfai ko sau‵tala ki te mataupu e 3 o te tusi ko te Akoakoga a te Tusi Tapu. Mai tua ifo i ei, ko onoono ki te suā vaega i te fakaotiga o akoga takitasi. E mata, e isi sau akoga faka-te-Tusi Tapu telā e mu‵tana fua ana mea e iloa io me e seai eiloa ne ana mea e iloa e uiga ki te Tusi Tapu? Ke fesoasoani atu ke iloa ne ia a ‘tusitusiga tapu, kolā e mafai o avatu ne latou ki a koe te poto telā e takitaki ei koe ki te fakaolataga,’ mafaufau ki nisi fakamatalaga i tafa o te tusi ko te Akoakoga a te Tusi Tapu i te polosiua ko te Bible’s Message.—2 Timo. 3:15.