Fakalogo ki te Atua​—Te Auala e Fakaaoga ei

A te polosiua ko te Fakalogo ki te Atua ne ‵lomi ke akoako ei a Munatonu fakavae mai te Tusi Tapu e auala i ata ki a latou kolā e fai‵gata ke fai‵tau. I luga i te kamataga o mataupu takitasi ne fakatoka faka‵lei eiloa a ata tāua konā i itulau takitasi, fakatasi mo fakailoga ke takitaki atu a te sau‵talaga mai te ata e tasi ki te suā ata.

E ‵pau eiloa a ata i polosiua ko te Fakalogo ki te Atua mo te Fakalogo ki te Atua ke Ola ei Koe ki te Se-Gata-Mai, kae ko te tusi mua e uke a fakamatalaga i ei kae mafai o fakaaoga ne tino a‵koga kolā e iloa o faitau. E tokouke a tino talai e fakaaoga a te polosiua tenei e pelā me se ‵kopi a te faiakoga i te taimi e suke‵suke ei mo se tino a‵koga ki te polosiua ko te Fakalogo ki te Atua. I te ukega o itulau i te fakaotiga, e maua atu i ei se pokisi mo nisi manatu fakaopoopo kolā e mafai o sau‵tala ki ei, e ‵tusa mo te atamai o te tino akoga.

E mafai o ofo atu ne koe so se polosiua i so se taimi faitalia foki eiloa e se ofo atu i te masina tenā. I te taimi e fai ei te akoga faka-te-Tusi Tapu, ke fakaaoga a ata ke fakamatala atu ei a tala mai te Tusi Tapu. ‵Sili atu ne fesili ke aofia a te tino akoga i te sau‵talaga kae ke fakamautinoa aka me e malamalama a ia. Ke faitau kae sau‵tala ki tusi fai‵tau i te fakaotiga o itulau taki tasi. Kafai ko oti te polosiua, ke suke‵suke ki te tusi Ne a Mea e Akoako ‵Tonu Mai i te Tusi Tapu? mo te What Can the Bible Teach Us? ke fesoasoani atu ki tau tino akoga ke gasolo ki mua i te papatisoga.