Fakaaoga ‵Tou Web Site i te Galuega Talai​—“Bible Questions Answered”

I loto i te jw.org, e isi se vaega o “Bible Teachings” e taku ki “Bible Questions Answered.” Kafai e masani tatou ki te ‵sili atu o fesili penei, e mafai loa o takitaki atu ne tatou a tino i te fale ke onoono ki ‵tou Web site ke maua a tali mai i te Tusi Tapu. E mafai o fakaaoga a fesili konei ke kamata aka ki ei a sau‵talaga i te galuega talai. E mafai o fili ne tatou se fesili telā e fia‵fia ki ei a tino i te koga talai, ‵sili atu ki manatu o te tino i te fale, ko fakaasi atu ei ki a ia a pati i te Tusi Tapu, mai te fakaaogaga o fakamatalaga i loto i te jw.org. Ka oti, ko mafai ei o fakamatala io me fakaasi atu te koga ne maua mai ei ‵tou fakamatalaga. A ko te suā auala, e mafai ne tatou o tuku atu ki te tino ke faitau mai ne ia te tali mai i loto i te ‵tou Web site. Ne fai mai penei se avaga a te ovasia faima‵laga: “A te tokoukega o tino e mafaufau penei, ‘Is God to blame for our suffering?’ E mata, e fia iloa ne koe te tali ki ei i se 51 sekone?” Tenā ne fakatagi atu ei ne ia mai tena selefoni a te tali. Ne fakaoti atu ne ia ana pati mai te fakaasi atu te mataupu e  11 o te tusi ko te Akoakoga a te Tusi Tapu.