“Ka Puke ne Au Tau Tusi Māfai Foki e Puke ne Koe Taku Tusi”

Konā eiloa a pati a nisi tino i fale. Ona ko te mea e se sui ne tatou ‵tou tusi faka-te-Tusi Tapu ki tusi fakalotu kolā e fakasalalau atu ei a mea ‵se, e mafai pefea o tali atu tatou mo te atamai? (Loma 1:25) E mafai o fai atu tatou: “Fakafetai mō te ofomaiga o tau tusi. Ne a mea e fakaasi mai i te mea tenei e uiga ki te faka‵leiga o fakalavelave o tino? [Faka‵tali ki se tali. Kafai e ‵kami ne ia koe ke faitau ki tena tusi ke maua ei te tali, e mafai ne koe o fakamasaua atu ki a ia me e se mafai o tuku atu ne koe a tusi e aunoa mo te fakaasi atu o mea kolā e aofia i ei. Ko faitau io me siki atu ei te Mataio 6:9, 10.] Ne fakaasi mai ne Iesu me ka fai ne te Malo o te Atua a te loto o te Atua i te lalolagi nei. Tela la, e faitau fua au ki tusi fakalotu kolā e fakamatala mai i ei a te Malo o te Atua. E mafai o fakaasi atu ne au mai i te Tusi Tapu a nisi mea mautinoa kolā ka fai ne te Malo o te Atua?”