Pati Fakatomua Fesoasoani

Ke Kamata a Akoga Faka-te-Tusi Tapu i te Aso Ono Muamua i a Oketopa

“E āsi malie atu matou ki motou tuakoi i te aso nei. E fai mai a tino tokouke kolā ne fai‵pati matou ki ei me i te ‵toe tulaga faigata eiloa ne fe‵paki mo latou ko te mate atu o se tino pele. E mata, e penā foki ou lagonaga? [Faka‵tali ki se tali.] Ne fakamalosi mai eiloa a te mea tenei ki a au.” Ke fakaasi atu te ‵kava mai tua o te Faleleoleo Maluga i a Oketopa 1, kae mafau‵fau fakatasi ki te mataupu mai lalo i te fesili muamua mo se tusi faitau e tasi. Ke ofo atu te mekesini, kae fakatoka ke toe foki atu o sau‵tala ki te suā fesili.

Te Faleleoleo Maluga Oketopa 1

“E āsi malie mai matou o fakamalosi atu ki tino ke fai‵tau ki te Tusi Tapu. E iloa ne matou me e fia‵fia a nisi tino ki te Tusi Tapu, kae e se penā eiloa a nisi tino. A ko koe? [Faka‵tali ki se tali.] E taku mai eiloa mo te loto toa ne te Tusi Tapu a te manatu tenei. [Faitau te 1 Tesalonia 2:13.] E talitonu au me ka lotomalie koe me se mea tonu i te Tusi Tapu se tusi mai te Atua, kae e aoga ‵ki eiloa ke faitau ki ei. E fakamatala malie mai i te mekesini tenei a te fekau e maua i te Tusi Tapu mo te pogai e ‵tau ei o ‵saga tonu atu tatou ki ei.”