Pati Fakatomua Fesoasoani

Ke Kamata a Akoga Faka-te-Tusi Tapu i te Aso Ono Muamua i a Mati

“E āsi atu matou ki motou tuakoi i te aso nei ke fai‵pati e uiga ki te malo ‵lei. E mata, e mafaufau koe me mafai ne so se malo o fakaseai atu a fakalavelave faiga‵ta, e pelā mo fakasauāga mo faifaiga sē fakamaoni?” Faka‵tali ki se tali. Fakamasaua atu ki te tino i te fale me i te ‵Talo a te Aliki, ne akoako ne Iesu ana soko ke ‵talo atu mō se malo, te Malo o te Atua ke na oko mai. Ko fakaasi atu ei te ‵kava mai tua o te Te Faleleoleo Maluga i a Oketopa 1, kae mafau‵fau fakatasi ki fakamatalaga mai lalo o te fesili muamua fakatasi mo se tusi faitau. Ke ofo atu te mekesini, kae fai se fakatokaga ke foki atu o sau‵tala ki te suā fesili.

Te Faleleoleo Maluga Oketopa 1

“E fia sau‵tala eiloa matou mo omotou tuakoi e uiga ki pati konei i te ‵talo lauiloa telā ne akoako atu ne Iesu ki ana soko. [Faitau te Mataio 6:​9, 10.] E mata, kai lagona aka loa ne koe se fakamatalaga gali e uiga ki te Malo o te Atua kae mo te pogai ne faka‵mafa atu faeloa ne Iesu i ana akoakoga? [Faka‵tali ki se tali.] E fakaasi mai i te mekesini tenei a pati a te Tusi Tapu e uiga ki te Malo o te Atua e penā foki mo nisi mea aoga ka maua mai i ei i te lalolagi nei.”