Pati Fakatomua Fesoasoani

Te Faleleoleo Maluga Setema 1

“E mata, e mafaufau koe me e mafai o fakapili‵pili atu a tama‵liki ki te Atua? [Faka‵tali ki se tali.] E fakaasi mai ne te mekesini tenei a mea e fai mai ne te Tusi Tapu e uiga ki te mea tenei i te Esoto 22:22-24. Ke fakaasi atu a te tusi siki telā e siki atu i te itulau e fa.] Konei a nisi mea e uke e mafai o tauloto ne tama‵liki mai i te Atua kolā e fesoasoani atu ki a latou i te olaga.” Ke fakaaoga a te mataupu telā e kamata i te itulau e fa.

Te Faleleoleo Maluga Oketopa 1

Ke fakaasi atu te fakavaka o te mekesini, kae fesili atu, “Ka tali aka pefea ne koe a te fesili tenei? [Faka‵tali ki se tali.] Mafaufau la ki pati i te Tusi Tapu. [Faitau te 1 Ioane 5:19.] E ‵tusa mo te mea tenei, “a te tino masei,” io me ko te Tiapolo, e pule mai ki te lalolagi. Kae e faka‵sae aka ne te mea tenā a nisi fesili. Ne vau mai fea a te Tiapolo? E mata, a ia se tino tonu eiloa? E pefea te leva ka talia ei a ia ne te Atua ke pule mai? E fakaasi mai ne te mekesini tenei a pati a te Tusi Tapu e uiga ki fesili konā.”