E Kamata te Tufatufaatuga Fakapito o Pepa ‵Kami o te Fakamanatuga i a Mati 22

I te tausaga tenei, e kamata i te Aso Ono, i a Mati 22, a te galuega fakapito a tatou ki te ‵kamiga o tino ke ‵kau mai ki te Fakamanatuga. E fakamalosi atu ki tino katoa ke ‵kau katoatoa atu ki ei. I fakaotiga o vaiaso ka ofo atu ei ne tatou a mekesini ‵fou māfai e ‵lei. I te Aso Ono muamua i a Apelila, ka ‵saga tonu atu eiloa tatou ki te tufatufaatuga o pepa ‵kami i lō te kamataga o akoga faka-te-Tusi Tapu. Kae kafai e fetaui tatou mo se tino telā e fiafia ‵ki, e seai eiloa se mea e fai ei ma taumafai tatou o kamata se akoga faka-te-Tusi Tapu. E mafai o fakaiku aka ne te ovasia o te galuega talai me i te tufatufa atu o pepa i koga e tokouke a tino i ei ka fesoasoani atu ki te fakapotopotoga ke oko atu ki tino e tokouke i te lotou koga talai. Ke fai se fakasologa o igoa o kāiga, tino ga‵lue fakatasi mo tatou, tino e a‵koga tasi tatou, toe asiga, mo nisi taugasoa kolā e fia ‵kami ne koe, kae tuku atu se ‵kamiga ki a latou i te taimi ko kamata ei te galuega fakapito. E fakamoe‵moe tatou me ka tokouke a tino ka ‵kau mai ki te fakamanatuga o toe fakaasiga sili e lua o te alofa.​—Ioane 3:16; 15:13.