Ke Asi Fakavave Atu

Talu mai te taimi ne ‵fuli ei te ‵tou Web site, ne gasolo aka eiloa ki luga a te aofaki o tino kolā ne fakamolemole ke fai a olotou akoga faka-te-Tusi Tapu. Ona ko auala ‵fou ke talai atu i mua o tino, ne fanaka ei te aofaki o tino e fakamolemole mai ke fai olotou akoga. E onoono fakavave ki ei a te ofisa lagolago. Kafai ko fakamolemole mai e auala i te jw.org, e maua muamua ne te kau toeaina i te koga telā e nofo i ei te tino fiafia a fakamatalaga mai te ofisa lagolago i aso e lua mai tua ifo. Kae i nisi taimi e fai mai se lipoti me ne seki fesokotaki atu eiloa i te fia o vaiaso ki a latou kolā ne fakamolemole mai mō se akoga faka-te-Tusi Tapu. E mafai pefea o fakamautinoa aka ne tatou me ka tuku fakavave atu te fesoasoani a koi tuai o galo atu te fiafia o te tino?​—Male. 4:​14, 15.

Kafai se tino e fakaasi mai tena fiafia kae e se nofo i tou koga talai, ke faka‵fonu fakavave a te pepa Please Follow Up (S-43) kae ke avatu ki te failautusi kae koi tuai o kamata te sua fakatasiga. I loto i se aso io me lua ka lafo atu ei ne te failautusi a fakamatalaga konā ki te fakapotopotoga telā e mafai o asi ki ei io me lafo atu ki te ofisa lagolago o te koga o te Fakapotopotoga i te jw.org. Tela la, e ‵tau mo toeaina o asi faeloa ki te Web site i taimi katoa. Kae kafai ko fakailoa atu ne latou me e isi se tino fiafia i te koga talai, e ‵tau o asi fakavave atu ki ei. Kafai ko fakamolemole atu ki se tino talai ke fai se toe asiga e ‵tau o kilo atu ki ei e pelā me ko te ‵toe mea tāua eiloa. Kafai e galo te tino i tena fale, e mafai ne koe o tuku atu se tamā fakamatalaga mo tou napa telefoni.