Ke Loto Finafinau o Fakatau Fakamalosi ke Fai a Galuega ‵Lei

E fakamalosi mai te Epelu 10:24 ki a tatou ke “‵saga atu tatou te suā tino ki te suā tino o fakama‵losi atu ke fakatau a‵lofa kae fai a mea ‵lei.” E mafai o fakamalosi ne tatou a ‵tou taina mai ‵tou fakaakoakoga mo te fakaasiatuga o te ‵tou fakatuanaki. Fakaasi atu au tala ‵gali ki nisi tino i te fakapotopotoga. Fai ke lavea ne latou te fiafia e maua ne koe i te tavini atu ki a Ieova. I te taimi eiloa tenā, ke ‵kalo keatea mai te fakatusa‵tusa ne koe latou ki a koe io me ki nisi tino. (Kala. 6:4) Taumafai o fakaaoga tou malosi ke fakamalosi aka ei a nisi tino ke “fakatau a‵lofa kae fai a mea ‵lei,” e se ko te fakamasei a lagonaga kae fai a mea ‵lei. (Ke onoono ki te tusi ko te Ministry School, itu. 158, pala. 4.) Kafai e fakamalosi ne tatou te alofa, ka mafai ei o lavea ne tatou a galuega pelā mo te faiga o mea ‵lei ki nisi tino i te feitu faka-te-foitino io me ko te galuega talai.​—2 Koli. 1:24.