E Mata, e Fakatoka Koe mō te Fakamanatuga?

I a Nisani po 13 i te 33 T.A. ne iloa ne Iesu me ‵toe tasi eiloa te po ka fakamāumāu ei ne ia mo ana taugasoa ‵pili a koi tuai o tamate a ia. Tenā eiloa tena toe fakamanatuga o te paseka fakatasi mo latou kae ka kamata ne ia se fakatasiga fou telā ko te ‵Kaiga a te Aliki i te Afiafi. E manakogina eiloa te fakatoka faka‵lei ki se vaegā fakatasiga tāua penā. Tela la, ne uga atu ne ia a Petelu mo Ioane ke fakatoka a mea katoa. (Luka 22:7-13) I tausaga katoa talu mai i te taimi tenā, se mea ‵tau mō Kelisiano kolā e ma‵nako o fakamanatu te Fakamanatuga ke fakatoka faka‵lei ki ei. (Luka 22:19) Ne a la mea e ‵tau o fakatoka ne tatou ki te Fakamanatuga tenei i a Apelila po 3?