Ke Momea Aka Faeloa ‵Tou Atamai—Ke Talai Atu ki se Tino Telā e Faipai ki se ‵Gana Faka‵tea

Te Pogai e Tāua ei: E manavase a Ieova ki te feitu faka-te-agaga o tino “mai so se fenua.” (Galu. 10:34, 35) Tela la, ne fai mai Iesu me i te tala ‵lei tenei ka talai atu ki te “lalolagi nofoaki kātoa” mo “atufenua katoa.” (Mata. 24:14)Ne ‵valo mai ne te pelofeta ko Sakalia me ka ‵saga atu ki ei a tino mai “fenua katoa mo ‵gana kesekese.” (Saka. 8:23) E pelā mo te fakaasiga a te apositolo ko Ioane, a latou kolā ka ‵sao atu i te fakalavelave lasi e aofia i ei a tino taki tokotasi mai “atufenua katoa, matakaiga katoa, tino katoa penā foki loa mo ‵gana katoa.” (Faka. 7:9,13, 14) Tela la, kafai e fetaui tatou mo se tino telā e faipati ki se gana faka‵tea i ‵tou koga talai, e ‵tau mo tatou o taumafai o talai atu ki ei.