Ne Fakatoka ke Talai ki Tino Katoa

E pelā loa mo Ieova ne fakatoka ne ia a tino Isalaelu, ne fakatoka foki ne ia a ana tino i aso nei ke fai tena loto. I te lalolagi kātoa, a ofisa lagolago, seketi, fakapotopotoga, mo potukau o te galuega talai e ga‵lue katoa ke fakalauefa atu a te talaiga o te tala ‵lei. E talai tatou ki so se tino e aofia ei a latou kolā e fai‵pati ki se ‵gana fakaa‵tea.—Fks 14:6, 7.

Kai mafaufau aka loa koe ke tauloto ki se ‵gana fakaa‵tea ke fesoasoani atu ki se tino ke iloa ne ia te munatonu? Kafai e se lava tou taimi ke tauloto ki se ‵gana fakaa‵tea, e mafai o fakaaoga ne koe te JW Language app ke tauloto ki pati fakatomua. Kafai ko oti ne fakaaoga ne koe i te galuega talai, ka maua ne koe te fiafia telā ne maua foki ne ‵tou taina i te senitenali muamua i te taimi ne lagona ei ne nisi tino mai fenua fakaa‵tea a “galuega fakaofoofogia a te Atua” i olotou ‵gana totino.—Gal 2:7-11.

ONOONO KI TE VITIO KE FAI MO TAUGASOA O IEOVA—TALAI ATU I SE ‵GANA FAKAA‵TEA, KAE TALI A FESILI KONEI:

• 

  Ko te taimi fea e mafai o fakaaoga ne koe te JW Language app?

• 

  Ne a nisi vaega i ei?

• 

  Ne a ‵gana e fakaaoga ne tino i tau koga talai?

• Ne a mea e ‵tau o fai ne koe māfai e isi se tino e fakaasi atu ne ia te fiafia ki te fekau o te Malo kae faipati ki se ‵gana fakaa‵tea?—od-E 100-101 ¶39-41