Akoako Atu te Munatonu

E kamata mai i a Setema, ka aofia i te Tusi mō Fakatasiga ko te ‵Tou Olaga Kelisiano se vaega fou o pati fakatomua fesoasoani telā e fakaulutala penei “Akoako Atu te Munatonu.” A te fakamoemoega o tatou ko te fakaasi atu o se munatonu faigofie i te Tusi Tapu, mai te fakaaogaga o se fesili mo se tusi faitau.

Kafai e lavea ne koe se tino fiafia, e mafai o ati aka ne koe a te olioli ki te suā asiga mai te tukuatuga o se tusi io me fakaasi atu se vitio mai te jw.org. E ‵tau o taumafai tatou ke toe ‵foki atu mai tua fua o nai aso ke faka‵soko atu te sau‵talaga muamua. Ka fakavae a pati fakatomua ‵fou mo tōfiga o tino a‵koga ki manatu tāua i mataupu takitasi i te tusi ko te What Can the Bible Teach Us? (e se maua i te ‵gana Tuvalu), telā ko te lōmiga i te ‵gana peletania faigofie o te tusi ko te Akoakoga a te Tusi Tapu. I te tusi ko te Akoakoga a te Tusi Tapu, e mafai ei o maua ne tatou a nisi mataupu mo tusi fai‵tau kolā e fesoasoani mai ke fai a toe asiga io me ke fai se akoga faka-te-Tusi Tapu mai te fakaaogaga fua o te Tusi Tapu.

E tasi fua te auala ki te ola se-gata-mai. (Mat 7:13, 14) Ona ko te mea e fai‵pati tatou ki tino mai lotu mo telega kese‵kese, e ‵tau o fakaaoga ne tatou a muna‵tonu i te Tusi Tapu kolā ka fakafiafia ki a latou taki tokotasi. (1Ti 2:4) I te taimi e momea aka ei ‵tou sau‵talaga ki mataupu kese‵kese kae momea aka foki ‵tou atamai i te “akoako ‵tonu eiloa ne koe te munatonu,” ka momea aka foki ‵tou fiafia, kae ka iku manuia foki tatou i te akoakoatuga o te munatonu ki nisi tino.—2Ti 2:15.