KE FAKAAOGA NE KOE I TE GALUEGA TALAI
KE MOMEA AKA ‵TOU ATAMAI I TE GALUEGA TALAI—‵Tou Pati Fakatomua Totino ki Mekesini
TE POGAI E TĀUA EI: E tiga eiloa e tuku mai a manatu fesoasoani i pati fakatomua fesoasoani i te tusi mō fakatasiga, a mea konei ne manatu faigofie fua. E ‵tau eiloa o fakaaoga au pati totino. E mafai o ‵lei atu ki a koe a nisi auala io me mafaufau koe me e ‵lei atu ke fakaaoga a nisi mataupu i tou koga talai. Kafai e penā loa, kafai ko oti ne faitau koe ki te mekesini, mafaufau ki pati fakatomua fesoasoani, kae onoono ki fakaasiga i vitio, ko mafai ei o fakaaoga ne koe a manatu fesoasoani konā ke fakatoka au pati fakatomua totino.
TE AUALA KE FAI EI:
Fesili ifo, ‘E mata, e fia fakaaoga ne au se pati fakatomua fesoasoani e tasi?’
AO
Fakatoka au pati kamata. Mai tua o pati fakatalofa masani, ke taku malie atu a te pogai o tau asiga. (Fakaakoakoga: “Ne asi mai au ona ko te mea . . . ”)
Mafaufau ki te auala e fakafetaui aka ei ne koe a te fesili, te tusi faitau, mo te mekesini telā e ofo atu ne koe. (Fakaakoakoga: Ke kamata ki se tusi siki, e mafai ne koe fai atu: “A te tali fakafiafia ki te fesili tenā e mafai o maua i konei.”)
IKAI
Filifili aka se mataupu mai te mekesini telā e fiafia malosi koe ki ei kae ka fia‵fia foki ki ei a tino i tou koga talai
Fakaiku aka se fesili telā e mafai o tali mai ne tino ko te mea ke fakagasuesue aka ei a te mafaufau mo sau‵talaga kae ke se fakamavale atu ki te tino i te fale. (Fakaakoakoga: Te fesili telā e sae aka i te itulau e 2 o mekesini.)
Filifili se tusi siki ke faitau atu. (Kafai e fakaaoga ne koe a te Awake! e mafai o faitau io me se faitau te tusi faitau, ona ko te mekesini tenei ne fakatoka mō tino kola e mu‵tana fua olotou mea e iloa e uiga ki te Tusi Tapu kae e mafai foki o se tali‵tonu ki lotu.)
Fakatoka se fuaiupu e tasi io me e lua kolā e fakaasi mai i ei a te auala ka aoga ki te tino i te fale a te faitau ki te mataupu
MAI LALO I FAKANOFONOFOGA KONEI
Fakatoka se fesili ke tali aka i te toe asiga
Tusi ki lalo a fakamatalaga ke fesoasoani atu ke masaua ne koe a mea e fia fai atu ne koe i te suā taimi