“A Tino Katoa i te Lalolagi e Fai‵pati ki te ‵Gana Eiloa e Tasi”

11:1-4, 6-9

I Papelu, ne fakamafuta valevale ne Ieova a tino se faka‵logo mai te faka‵numi atu o te lotou ‵gana. I aso nei, ko fakamaopoopo mai ne ia se vaitino tokouke mai fenua mo ‵gana kese‵kese kae tuku atu ki a latou “se ‵gana ‵ma” ko te mea ke mafai ne latou katoa o “ka‵laga ki te igoa o Ieova, ke tavini atu ki a ia tuauma ki tuauma.” (Sef 3:9; Fks 7:9) A te “‵gana ‵ma” tenei ko te munatonu e uiga ki a Ieova mo ana fuafuaga kolā e maua i Tusi Tapu.

E uke atu a mea e aofia i te tauloto ki se ‵gana fou. E aofia i ei te tauloto ki mafaufauga fou. I se auala tai ‵pau, i te taimi e tauloto ei tatou ki te ‵gana ‵ma o te munatonu, ka ‵fuli loa i ei ‵tou mafaufauga. (Lom 12:2) Se mea telā e ‵tau o fai faeloa ne tatou me e fai i ei ke ‵kau fakatasi a tino o te Atua.—1Ko 1:10.