Ke Momea Aka ‵Tou Ata‵mai I Te Galuega Talai​—Talai Atu ki Tino ‵Kivi

TE POGAI E TĀUA EI: A te tokoukega o tino ‵kivi e fai fakaa‵tea ma fai‵pati ki tino fakaa‵tea. Tela la, e manakogina a te atamai ke talai atu ki vaegā tino penā. E fakaasi atu ne Ieova a tena alofa tonu ki tino ‵kivi. (Lev 19:14) E mafai o fakaakoako tatou ki a ia mai te ga‵sue muamua o fesoasoani atu ki tino ‵kivi i te feitu faka-te-agaga.

TE AUALA KE FAI EI:

• “‵Sala atu” ki tino ‵kivi. (Mat 10:11) E mata, e iloa ne koe se tino telā e isi sena kāiga e ‵kivi? E mata, e isi ne akoga, ne koga e tausi ei a tino ma‵tua, io me ne nisi fakapotopotoga i tau koga talai e fia‵fia ki tusi kolā ne ‵lomi mō tino ‵kivi?

• Fakaasi atu te fiafia tonu. Kafai koe mata katakata kae fakaasi atu tou atafai tonu ki te tino tenā, ka fesoasoani atu loa ke se mā a te tino tenā i a koe. Taumafai ke kamata se sau‵talaga ki se mataupu telā e fia‵fia ki ei a tino

• Tuku atu te fesoasoani faka-te-agaga. Ke fesoasoani atu ki a latou kolā e se ‵kite faka‵lei olotou mata, ne fakatoka ne te fakapotopotoga a tusi i auala kese‵kese. Fesili atu ki te tino me se a te auala ‵lei ke tauloto ei a ia. E ‵tau o fakamautinoa aka ne te ovasia o te galuega talai me e faka‵fonu ne te taina telā e tausi ne ia a tusi a te fakamolemole a se tino ‵kivi.