KOLOA MAI TE MUNA A TE ATUA | ESOTO 10-11

Ko Fakaasi ne Mose mo Alona te Loto Malosi Sili

10:3-6, 24-26, 28; 11:4-8

Ne fakaasi atu ne Mose mo Alona te loto malosi sili mo te loto toa i te taimi ne fai‵pati ei ki te Falao, telā ko te ‵toe tino malosi i te lalolagi i te taimi tenā. Ne mafai pefea ne lāua o fai te mea tenā? E pelā mo Mose, ne fai mai te Tusi Tapu: “Ona ko te fakatuanaki, ne tiaki ei ne ia a Aikupito e aunoa mo te mataku ki te kaitaua o te tupu, me ne lavea faeloa ne ia a te Atua telā e se mafai o lavea.” (Epe 11:27) Ne malosi ‵ki te fakatuanaki o Mose mo Alona ki a Ieova kae ne fakalago‵lago lāua ki a ia.

Ne a tulaga e manakogina i ei te loto malosi ke fakaasi atu tou fakatuanaki ki se tino pule?

Ata: Fakanofonofoga kolā e māfai o loto ma‵losi i ei tatou. 1. Se tamaliki tagata i te akoga e tu malie i te taimi e saluti i ei a nisi tamaliki ki te fuka. 2. Se taina e tu atu i mua o te fono. 3. Se taina talavou e ofo atu ne ia se tamā pepa ki se tino i te fale i te galuega talai kae isi se pulisimani e onoono atu mai se koga pili.