Ke Momea Aka ‵Tou Atamai i te Galuega Talai—Ke Talai Atu i Telefoni

TE POGAI E TĀUA I EI: A te talai i telefoni se auala tāua “ke tuku atu se molimau maea e uiga ki te tala ‵lei.” (Gal 20:24)a E fai ei ke mafai ne tatou o talai atu ki se tino telā e se mafai o āsi ki ei ona ko nisi fakanofonofoga.

TE AUALA KE FAI I EI:

• 

  Fakatoka. Filifili se mataupu telā e fetaui ‵lei. Ko fakatoka ei ou manatu kolā e manako koe o fai atu. E mafai foki o fakatoka ne koe se fakamatalaga toetoe ke fakaasi atu a te pogai o tau telefoni māfai e tali mai se masini. E aoga ‵ki māfai e sagasaga koe i se taipola mo te fakasologa o ou manatu mo mea kolā e manakogina, e pelā mo se tivaisi telā e matala i ei a te JW Library^® io me ko te jw.org^®

• 

  Sa manavase. Faipati i te auala masani. Fakamisikata kae fai au tāga e pelā eiloa me lavea ne te tino a koe. Sa faipati motumotu. E ‵lei atu māfai e ga‵lue fakatasi koe mo nisi tino. Kafai e fesili atu ne te tino i te fale se fesili, toe fakafoki i se leo maluga ke mafai ne ‵tou ‵pea o ‵sala te tali ki te fesili

• 

  Ke fakatoka te fakavae mo te suā asiga. Kafai e fakaasi atu ne te tino a te fiafia, e mafai o tuku atu ne koe se fesili ke mafai o tali i te suā taimi e fai‵pati ei i te telefoni. E mafai o fai atu ke meli iti, io me tuku atu loa ki a ia i te fale, io me avatu i te meli se tusi. Io me mafai o fai atu koe ke avatu i te itaneti se vitio io me se mataupu mai ‵tou tusi. Kafai e ‵lei, fai atu ki te tino e uiga ki te ‵tou Online Bible Study Lessons io me ko nisi mea i te ‵tou fakatuatusi i te itaneti