‵Sili Atu a Fesili

A Ieova “te Atua fiafia,” e manako ke fia‵fia tatou i te galuega talai. (1Ti 1:11) Ka momea aka ‵tou fia‵fia māfai e ga‵lue tatou ke momea aka ‵tou atamai. A te ‵sili atu o fesili e fakamalosi aka i ei te fiafia kae se auala masani ke kamata aka i ei se sau‵talaga. A fesili e fakamalosi ne latou a tino ke mafau‵fau kae fakasako‵sako. (Mat 22:41-45) Kafai e ‵sili atu a fesili kae fakalogologo, e fai atu loa tatou, ‘A koe e tāua ki a au.’ (Iak 1:19) A te tali a te tino ka fesoasoani mai ke iloa ne tatou o fai te sau‵talaga i se auala telā e tai ‵lei atu.

KE ONOONO KI TE VITIO KE MAUA TE FIAFIA MAI I TE FAIGA O SOKO—MOMEA AKA TOU ATAMAI I TE—FAKAAOGAGA O FESILI, KAE TALI A FESILI KONEI:

• 

  Ne a uiga ‵lei ne fakaasi atu ne Jade?

• 

  Ne fakaaoga pefea ne Neeta a fesili ke fakaasi atu ei tena fiafia ki a Jade?

• 

  Ne fakaaoga pefea ne Neeta a fesili ke fakamalosi aka i ei te fiafia o Jade ki te tala ‵lei?

• 

  Ne fakaaoga pefea ne Neeta a fesili ke fesoasoani atu ki a Jade ke mafaufau kae fakasako‵sako?