Ke Talia te Fesoasoani o Ieova e Auala i ‵Talo

Ko Ieova e fai ne ia te fuaga o te munatonu ke ola i te loto o se tino. (1Ko 3:6-9) Tela la, ke iku manuia te ‵tou galuega talai, e ‵tau o fakalago‵lago tatou ki a Ieova ke fesoasoani mai ki a tatou mo ‵tou tino a‵koga ki te Tusi Tapu.

Akai ki a Ieova ke fesoasoani atu ki tau tino akoga ke kufaki i faka‵tukaga kae ke mafai o fakafesagai atu ki ei. (Fpi 1:9, 10) Fakaasi ‵tonu atu. ‵Talo ke takitaki ou mafaufauga mo au faifaiga ne te agaga tapu. (Luk 11:13) Akoako au tino a‵koga ki te Tusi Tapu ki te auala e fai ei a ‵talo kae fakamalosi ke ‵talo latou. ‵Talo fakatasi mo latou kae ‵talo foki mō latou mai te taku atu olotou igoa.

KE ONOONO KI TE VITIO KE MAUA TE FIAFIA I TE FAIGA O SOKO—TALIA TE FESOASOANI O IEOVA—‵TALO, KAE TALI A FESILI KONEI:

• Ne a fakalavelave ne fepaki mo Neeta i te taimi ne fai ei te lā akoga mo Jade?

• Ne fesoasoani atu pefea te 1 Kolinito 3:6 ki a Neeta?

• Ne faka‵lei aka pefea te fakalavelave o Neeta?