Fesoasoani ki Au Akoga Faka-te-Tusi Tapu ke Ati Aka se Fesokotakiga Totino mo Ieova

A Ieova e manako ko tatou ke tavini atu ki a ia ona ko te alofa. (Mat 22:37, 38) Ko te alofa ki te Atua ka fakamalosi ne ia a tino a‵koga ki te Tusi Tapu ke fai a ‵fuliga e manakogina kae ke ‵tu ‵mautakitaki māfai ko fe‵paki mo tofotofoga. (1Io 5:3) Ko te lotou a‵lofa ki te Atua ka fakamalosi ei latou ke papatiso.

Fesoasoani ki au tino a‵koga ke lavea ne latou te alofa o Ieova mō latou. Fesili atu a vaegā fesili penei: “Se a te mea e akoako mai ne te mea tenei e uiga ki a Ieova?” io me “E fakaasi mai pefea i te mea tenei a te alofa o Ieova mō koe?” Fesoasoani atu ke iloa ne latou te auala e fesoasoani atu a Ieova ki a latou taki tokotasi. (2No 16:9) Fakaasi atu a fakaakoakoga ki te auala ne tali ne Ieova au ‵talo, kae fakamalosi atu ke lavea ne latou te auala e tali ne Ieova a olotou ‵talo. A te fiafia lasi e maua māfai ko lavea ne koe au tino a‵koga ki te Tusi Tapu ko ‵saga atu ki te alofa o Ieova kae fakaasi atu te ‵pili malosi o latou ki a ia.

ONOONO KI TE VITIO FESOASOANI KI AU AKOGA FAKA-TE-TUSI TAPU KE ATI AKA SE FESOKOTAKIGA TOTINO MO IEOVA, KAE TALI AKA A FESILI KONEI MAI LALO:

• 

  Se a te fakalavelave faigata ne fakafesagai ki ei a Jade?

• 

  Ne fesoasoani atu pefea a Neeta ki a Jade?

• 

  Ne manumalo pefea a Jade i te fakalavelave faigata tenā?