Fakaaoga ‵Tou Mea Faigaluega mō Sukesukega

E tuku mai ne Ieova a mea faigaluega ke apo tatou i te akoako atu, e pelā mo vitio, tamā pepa, mekesini, polosiua, tusi, mo te Tusi Tapu. (2Ti 3:16) Ne tuku mai foki ne ia a mea faigaluega mō sukesukega ke mafai o fakamatala ne tatou a te Tusi Tapu. E aofia i mea konei ko te Watchtower Library, te JW Library^® app, te Watchtower ONLINE LIBRARY™, mo te Research Guide for Jehovah’s Witnesses.

Ka fiafia eiloa koe ona ko te uke o fakamatalaga e mafai o maua telā ko mafai ei o keli malosi atu koe ki koloa faka-te-agaga. Ke masaua o akoako au tino a‵koga ki te auala e fakaaoga a mea faigaluega konei. Kae ka mafai foki o fia‵fia latou māfai ko maua ne latou a tali ki olotou fesili e uiga ki te Tusi Tapu.

KE ONOONO KI TE VITIO KE MAUA TE FIAFIA I TE FAIGA O SOKO​—TALIA TE FESOASOANI O IEOVA—​MEA FAIGALUEGA MŌ SUKESUKEGA KAE TALI A FESILI KONEI:

• 

  Se a te manatu ‵teke ne fakaasi atu ne Jade e uiga ki te faitega o mea?

• 

  Ne maua i fea ne Neeta a fakamatalaga ki te mataupu?

• 

  Ne filifili aka pefea ne ia a fakamatalaga kolā ka aoga tonu ki a Jade?

• Ne a mea aoga ne maua ne Neeta mai te fakaaogaga o mea faigaluega mō sukesukega?