Fesoasoani ki Au Akoga Faka-te-Tusi Tapu ke ‵Teke Atu ki Faifaiga sē ‵Ma

Ko latou fua kolā e ‵ma i mea tau amioga e maua ne latou se fesokotakiga ‵pili mo Ieova. (1Pe 1:14-16) Kafai ko manumalo a tino a‵koga ki te Tusi Tapu i faifaiga sē ‵ma, ka aoga foki ki olotou kāiga, ola ‵lei, mo tulaga i mea tau tupe.

Ke fakamatala manino atu a tulaga o Ieova i mea tau amioga, pogai ne fakamatala mai ne ia, mo mea aoga e maua ne tatou māfai e tau‵tali i ei. ‵Saga tonu atu o fesoasoani ki au tino a‵koga ke ‵fuli olotou mafaufauga, kae ka ‵fuli foki olotou faifaiga. (Efe 4:22-24) Fakatalitonu atu ki a latou me mai te fesoasoani o Ieova, e mafai o manumalo latou i se faifaiga sē ‵ma telā e fai sāle ne latou. (Fpi 4:13) Akoako latou ke fakatagi atu ki a Ieova māfai ko takitaki atu latou ke fai te agasala. Fesoasoani atu ke lavea ‵mao ne latou a fakaosoosoga kolā e ‵tau o ‵kalo kea‵tea latou mai ei. Fakamalosi latou ke sui a faifaiga sē ‵ma ki fakafiafiaga aoga. Ka maua ne koe te fiafia māfai ko lavea ne koe au tino a‵koga ki te Tusi Tapu ko manuia i te faiga o ‵fuliga fakatasi mo te fesoasoani o Ieova.

ONOONO KI TE VITIO KO TE FESOASOANI KI AU AKOGA FAKA-TE-TUSI TAPU KE ‵TEKE ATU KI FAIFAIGA SĒ ‵MA, KAE TALI A FESILI KONEI MAI LALO:

• 

  Ne fakaasi atu pefea ne toeaina mo Neeta a te loto talitonu ki a Jade?

• 

  Ne a nisi fesoasoani ne tuku atu ne Neeta ki a Jade?

• 

  Ne ‵sala atu pefea a Jade ki te fesoasoani mai i a Ieova?