Te Auala ke Fakaaoga a Manatu Fesoasoani mō Sau‵talaga

E uke ‵ki a galuega e fai ki manatu fesoasoani mō sau‵talaga, kae ne lavea ne tino talai e tokouke a te magoi i olotou koga talai. Kae ona ko te kese‵kese o fakanofonofoga i te lalolagi kātoa, e mafai o fakaaoga ne tino talai i te lotou galuega talai se auala io me se mataupu tai ‵kese telā ka fia‵fia ki ei a tino. E tonu, e ‵tau mo tino katoa o tau‵tali i so se fakatakitakiga mō se galuega fakapito. A te ‵tou fakamoemoega ko te fakataunu a te fakatonuga a Iesu ke talai atu te tala ‵lei o te Malo.—Mat 24:14.

E uiga ki tofiga i te akoga, e ‵tau mo tino talai o fakaaoga te mataupu i te manatu fesoasoani mō sau‵talaga i te Tusi mō Fakatasiga. Kae e mafai o filifili ne latou se suā fesili, tusi faitau, se fesili mō te suā asiga, io me se fakanofonofoga telā ka magoi i te lotou koga talai, māfai e seai se fakatonuga ki ei. Ka ‵fuli ne te mea tenei a te fakatakitakiga telā ne sae mai i te itulau e 8 o te tusi mō fakatasiga i a Iuni 2020.