KE OLA E PELĀ ME NE KELISIANO
Fakaakoako ki te Alofa Fakamaoni o Ieova
Ne tuku mai ne Ieova te ‵toe fakaakoakoga sili o te alofa fakamaoni. (Sal 103:11) A te alofa tenei e sē se lagonaga telā e vave galo atu fua. E aofia i te alofa fakamaoni a te fesokotakiga telā e ‵loto kae tumau. Ne fakaasi ne Ieova a te uiga tenei ki ana tino Isalaelu i auala e uke. Ne fakasaoloto ne ia mai te ‵nofo pologa i Aikupito kae ne aumai ne ia ki te Fenua o te Folafolaga. (Sal 105:42-44) Ne taua a ia mō ana tino kae ne fakamagalo faeloa ne ia māfai ne agasala latou. (Sal 107:19, 20) Kafai tatou e “mafaufau faka‵lei ki faifaiga o te alofa fakamaoni o Ieova,” ka fakamalosi eiloa tatou ke fakaakoako ki a ia.—Sal 107:43.
ONOONO KI TE VITIO “MAFAUFAU FAKA‵LEI KI FAIFAIGA O TE ALOFA FAKAMAONI O IEOVA,” KAE TALI A FESILI KONEI:
I auala fea e mafai o fakaasi atu ei ne tatou a te alofa fakamaoni?
Kaia e manakogina ke talia ne tatou a mea faiga‵ta māfai e fakaasi atu a te alofa fakamaoni?