KE OLA E PELĀ ME NE KELISIANO

Fesoasoani ki Tino Kolā e se Fia‵fia ki Lotu ke Iloa ne Latou te Lotou Mafuaga

Kai fakatalave aka loa koe ke tuku atu se molimau ki tino kolā e se fia‵fia ki lotu ke iloa ne latou te Atua, me i ou mafaufauga me ka sē fia fakalogo‵logo latou? Kafai e penā, masaua me tokouke a tino kolā e se fia‵fia ki lotu aofia i ei a tino e se tali‵tonu ki te Atua—ko oti ne fai pelā me ne Molimau a Ieova. Tela la, e masani sāle o ma‵nako fua latou ki fakamaoniga māea me isi se Atua.—Lom 1:20; 10:14.

KE ONOONO KI TE VITIO MASAUA—A TINO E SEAI NE FAKATUANAKI E MAFAI O FAKATUANAKI!—TINO E SE ILOA TE ATUA, KAE TALI AKA A FESILI MAI LALO:

E fesoasoani atu pefea te tala o Tommaso ke maua ne koe se kilokiloga ‵lei ki tino kolā e se iloa ne latou te Atua?

Tau tali

Te Auala ke Fai i ei

Kafai e fakaasi atu ne se tino i a ia e se talitonu ki te Atua, ke atafai, atamai, kae saga tonu atu ki ana manatu mo ana lagonaga ki te mataupu. (2Ti 2:24) Sau‵tala ki mataupu kolā e fiafia a ia ki ei. E mata, e fiafia a ia o sau‵tala ki fakamaoniga kolā e takitaki atu i ei ke talitonu ki te Mafuaga? Kafai e penā, ke fakaaoga a tusi mo vitio kolā ne fakatoka mo tulaga penā. Ko te polosiua Was Life Created? mo te The Origin of Life—Five Questions Worth Asking kolā ko oti ne faulu atu ki loto i ‵tou Pusa o Mea Faigaluega mō Fai Akoakoga ke fakafaigofie ki a latou te olo atu ki ei.

Muamua, kāti e mafai o polepole koe ma sau‵tala mo se tino telā e se talitonu ki te Atua. Kaia e sē fesili atu ki se tino talai apo mō se fesoasoani? Masaua foki, me mafai ne Ieova o fesoasoani mai ke oko atu tatou ki loto o tino loto ‵lei—faitalia foki loa i te taimi muamua e se tali‵tonu latou me ola a ia.—Gal 13:48.