Manatu Fesoasoani mō Sukesukega

‵Sala a Taemani Faka-te-Agaga e Uiga ki a Ieova

Kafai e fai‵tau ki te Tusi Tapu, e mafai o fakaaoga ne tatou a mea faigaluega kese‵kese ke maina tatou i ‵tou mea e faitau. Kae e se suke‵suke fua tatou ke uke ‵tou mea e iloa. E ma‵nako tatou o ‵sala ki taemani faka-te-agaga ki uiga o Ieova kolā ka fai ei ke a‵lofa malosi tatou ki a ia. Ke fai penā, e mafai o fesili ifo tatou, ‘Se a te mea e akoako mai i fuaiupu konei i te Tusi Tapu e uiga ki a Ieova?’

Ke onoono ki fakamaoniga ki uiga tu ‵kese o Ieova ko te alofa, poto, fai mea tonu, mo te malosi. Kae e se konā fua a uiga o Ieova. E aofia foki i ei a nisi uiga ‵gali. E maua ne koe i fea a nisi fakamatalaga ki uiga konei?

Onoono ki te fakasologa o nisi uiga e 50 tupu i te Watch Tower Publications Index mai lalo o te ulutala “Jehovah” mo te ulutala foliki ko te “Qualities by Name.” ‵Sala ki uiga kolā e fetaui ‵lei mo te tala e faitau koe ki ei. (Kafai e mafai fua koe o fano ki te Research Guide for Jehovah’s Witnesses, onoono ki te ulutala “Jehovah God” mo te ulutala foliki ko te “Jehovah’s Qualities.”)