‵Sala ki Taemani Faka-te-Agaga Kolā e Mafai o Fakagalue ne Koe

Kafai e fai‵tau tatou ki te Tusi Tapu, ke ‵sala ki taemani faka-te-agaga mai te faiga o sukesukega. Kae e mafai pefea o maua katoatoa ne tatou a mea aoga mai i ei?

Keli malosi ifo ke maua a fakamatalaga likiliki o tala i te Tusi Tapu. E pelā mo te ‵sala aka me ko oi ne tusi ne ia te fuaiupu tenā, e tusi ki a ai, mo te taimi ne tusi i ei. Ne a fakanofonofoga i te taimi tenā, ne a mea ne ‵tupu mai mua kae mai tua foki o te mea tenā?

Mafaufau ki akoakoga e mafai o tauloto ne tatou mai te suke‵suke ki vaegā fesili penei: ‘E pefea a lagonaga o tino kolā ne aofia i ei? Ne a uiga ne fakaasi mai ne latou? Kaia e ‵tau ei mo au o fakaakoako ki uiga konā io me kalo kea‵tea mai i ei?’

Fakagalue a akoakoga e tauloto ne koe, kāti i te galuega talai, io me i au faifaiga ki nisi tino. Mai te fai penā, ko fakaasi atu ne koe a te poto mai te Atua, e pelā mo pati i te Tusi Tapu: “So se tino poto ka lavea ne ia a mea konei.”—Sala. 107:43.

• Manatu Fesoasoani: Mafaufau ki te aoga o manatu i te vaega o te ‵tou fakatasiga i te vaiaso ko te Koloa Mai te Muna a te Atua, ke ‵saga tonu tatou ki te auala ke fakagalue aka a mea e tauloto ne tatou. E aofia i te vaega tenei a fesili kolā e mafai o fesili ifo ne tatou ki a tatou eiloa, manatu ke mafaufau ‵loto ki ei, mo tala fakatusa kolā e mafai o suke‵suke ki ei.