Tefea te Koga e Mafai o Maua ne Koe i ei a te ‵Toe Takitakiga ‵Lei i Aso Nei?

Ona ko te mafuli‵fuli o mea i te ‵tou lalolagi tenei, e mautinoa pefea me ka maua ne koe a ikuga ‵lei mai au filifiliga? E mafai pefea o fakamautinoa aka ne koe me i mea kolā e mafau‵fau ki ei a tino me ‵tonu i te aso nei e se mafai o ‵se i te aso ma taeao?

E fesoasoani mai te Tusi Tapu ke fai ne tatou a filifiliga kolā ka sē sala‵mo tatou i ei. E mafai pefea o fai ne tatou? A te Tusi Tapu ne māfua mai i te Atua, kae e iloa ‵lei ne ia a mea kolā e maua i ei ne tatou a te fiafia tonu mo te tokagamalie.

E mafai o tali‵tonu tatou me i te poto aoga e maua i te Tusi Tapu. E “fakatalitonugina faeloa a mea konā, i te taimi nei ke oko eiloa ki te se-gata-mai.”—Salamo 111:8.

Kaia e se sukesuke ei koe ki te auala e mafai o fesoasoani atu te Tusi Tapu ki a koe i te lalolagi tenei telā e mafulifuli faeloa?