Pogai Koi Tumau ei a Taua mo Kinauga Fakasaua

AGASALA

Ne faite ne te Atua a ˋtou mātua muamua, ko Atamu mo Eva, ki tena fakatusa. (Kenese 1:27) Ko tena uiga e maua eiloa ne lāua a uiga o te Atua, e aofia i ei te filemu mo te alofa. (1 Kolinito 14:33; 1 Ioane 4:8) Kae ui ei, ne seki fakaˋlogo a Atamu mo Eva ki te Atua kae ne agasala lāua. Ona ko te mea tenā, ne maua ei ne tatou katoa a te agasala mo te mate. (Loma 5:12) Ko te agasala eiloa tenā e fai ei ke isi ne mafaufauga sē ˋlei i a tatou kae fai ne tatou a amioga fakasaua.—Kenese 6:5; Maleko 7:​21, 22.

MALO O TĀGATA

Ne seki faite ne te Atua a tatou ke pule ki a tatou eiloa. E fai mai te Tusi Tapu: “E seai se pule a te tagata ke fakatonutonu ne ia tena auala.” (Ielemia 10:23) Tenā te pogai e se mafai ei ne malo o tāgata o fakaseai katoatoa atu a taua mo amioga fakasaua.

SATANI MO ANA TEMONI

E fai mai te Tusi Tapu me i “te lalolagi kātoa ko nofo mai lalo i te pule a te tino masei.” (1 Ioane 5:19) A te “tino masei” tenā ko Satani te Tiapolo, kae se tino tatino. (Ioane 8:44) E fakamalosi aka ne ia fakatasi mo nisi agaga maˋsei a tino ke kamata ne latou a taua mo amioga fakasaua.—Fakaasiga 12:​9, 12.