Fakatokatoka Nei ke Fakalauefa Atu Tau Taviniga
1. Se a te avanoaga gali e maua ne tatou i te vaitaimi o te Fakamanatuga, kae e mafai pefea o fakatokatoka tatou ki ei?
1 I vaitaimi o Fakamanatuga takitasi, e tuku mai i ei a avanoaga ‵fou ke “tavae” malosi atu tatou ki a Ieova. (Sala. 109:30) E mata, ka fakalauefa atu tau taviniga i a Mati e pelā me se auala e tasi ke fakaasi atu ei te loto fakafetai ki te Tino telā ne fakatoka ne ia te togiola? Tenei eiloa te taimi ke kamata koe o fakatokatoka ki ei.—Faata. 21:5.
2. Ne pefea ou lagonaga, penā foki loa mo nisi tino, e uiga ki te fakatokaga ke fakamu‵tana ifo a itula mō paenia lagolago i a Apelila i te tausaga ko teka?
2 Paenia Lagolago: I te tausaga ko teka, ko oko eiloa i te fia‵fia o fakapotopotoga i te taimi ne iloa ne latou a te fakatokaga, ke paenia lagolago i a Apelila mō itula e 30 io me 50. Ne tusi mai se taina e tokotasi: “Au koi akoga i te akoga lasaga lua, kae ne seki mafai eiloa o paenia tumau au. Kae ka faka‵fonu taku pepa ke paenia au mō itula e 30 kae e taumafai eiloa au ke kātoa a itula e 50 i te masina o Apelila.” Ne tusi mai se tuagane telā ne galue tumau i se galuega ‵togi: “Tolusefulu itula—tapa, ko oko eiloa i te faigofie ke maua!” I te taimi ne faka‵pula mai ei a te fakatokaga tenei, ne fai mai se tino telā ne paenia muamua, ko 80 tupu nei ana tausaga: “Tenei eiloa te taimi ne faka‵tali au ki ei! Ne iloa ne Ieova me i te galuega fakapaenia ko te ‵toe taimi gali eiloa i toku olaga!” A nisi tino kolā ne seki mafai o paenia lagolago ne fakatoka ne latou a fakamoemoega ke momea aka olotou mea e fai i te galuega talai.
3. Ne a pogai ‵lei ke mafau‵fau ei tatou o paenia lagolago i a Mati, Apelila mo Me?
3 Ka fai eiloa a Mati mo fai se masina tafasili i te ‵lei ke toe paenia lagolago me ka mafai foki o filifili tatou ke taumafai ki se 30 io me se 50 itula. E se gata i ei, e kamata mai i te Aso Ono, i a Mati po 17, ka aofia tatou i se galuega fakapito ke ‵kami atu a nisi tino ke ‵kau mai ki a tatou i te Fakamanatuga i a Apelila po 5. Ka mafai eiloa o momea aka ne tino e tokouke olotou mea e fai i te galuega talai kae ka mafai foki o iku atu ki te lotou fia paenia lagolago i a Apelila mo Me, mō itula e 50.
4. E mafai pefea o momea aka ‵tou tusaga i te taviniga, kae ne a mea e mafai o iku mai i ei?
4 I te suā taimi e fai ei a te Tapuakiga a te otou Kāiga i Afiafi, kaia e se sau‵tala ei koutou ki te auala e mafai ne tino taki tokotasi i te kāiga o fakalauefa atu te lotou taviniga i te vaitaimi o te Fakamanatuga? (Faata. 15:22) Fakamolemole atu ki a Ieova ke fakamanuia ne ia otou taumafaiga. (1 Ioa. 3:22) I te taimi e momea aka ei tou tusaga i te galuega talai, ka se momea aka fua i ei au tavaega ki a Ieova kae ka momea aka foki ei tou fiafia.—2 Koli. 9:6.