Fakama‵fuliga ki te Fakatasiga i Loto i te Vaiaso

E kamata mai i te vaiaso o Setema po 3, ka tai leva atu a te Sukesukega a te Fakapotopotoga ki te Tusi Tapu, mai i te 25 ki te 30 minute. I te faiga o ana pati fakatomua, e ‵tau o fakaaoga ne te tino e fai ne ia te akoga se minute e tasi ke taku mai a nai manatu tāua i te mataupu ne sukesuke ki ei mai mua. Ka ‵fuli foki a te taimi o te Fakatasiga mō te Galuega talai, mai i te 35 ki te 30 minute. Ka se toe ai se vaega mō faka‵pulaga. I lō te fai penā, e ‵tau o fai atu so se faka‵pulaga i te kamataga o te tōfiga muamua i te fakasologa. I te ukega o taimi, e manakogina fua a nai faka‵pulaga, kae e se ‵tau o taku atu a mea kolā ka fai i te fakatasiga. E se ‵tau o toe fai atu a faka‵pulaga e uiga ki te galuega talai mo te fakasologa o potukau ‵teu e pelā foki mo alofaaga. (km 10/08 itu. 1, pala. 4) Kafai e ‵tau o fai atu se faka‵pulaga tai loa, se mea ‵lei ke fakailoa fakavave atu ki a latou kolā e isi ne olotou vaega i te fakatasiga ko te mea ke mafai o fakatoe‵toe ifo olotou vaega.