E Faka‵logo Pefea Tatou ki te Atua?

E faipati mai te Atua ki a tatou e auala i te Tusi Tapu. 2 Timoteo 3:16

Ne fakatonu atu te Atua tonu ke tusi ne tāgata ana manatu ki loto i se tusi fakapito. A te tusi tenā ko te Tusi Tapu. E maua i ei a fakamatalaga tāua kolā e manako te Atua ke iloa ne koe.

E iloa ne te Atua a toe mea ‵lei mō tatou. Kafai e fakalogo koe ki a ia ka poto eiloa koe.—Faataoto 1:5.

E manako te Atua ke fai‵tau a tino katoa i te lalolagi ki te Tusi Tapu. Ko mafai nei o maua te tusi tenā i ‵gana kese‵kese e uke.

Kafai e fia fakalogo koe ki te Atua, e ‵tau o faitau koe ki te Tusi Tapu kae ke malamalama foki i ei.

Ko tauloto nei a tino i koga katoa ki te Tusi Tapu. Mataio 28:19

E mafai o fesoasoani atu a Molimau a Ieova ke malamalama koe i te Tusi Tapu.

E akoako ne latou te munatonu e uiga ki te Atua i te lalolagi kātoa.

E seai se ‵togi o akoakoga konei. E mafai foki o tauloto ne koe a mea e uiga ki te Atua i koga e fai ei a tapuakiga a Molimau a Ieova.