Fakaaoga Faka‵lei a Mea e Lavea ki Mata

Kenese 15:5

MEA E ‵TAU O FAI: Fakaaoga a mea e lavea ki mata ke fakamatala atu a manatu tāua ke maina faka‵lei i ei.

TE AUALA KE FAI EI:

• Filifili a mea e lavea ki mata ke fai ke magoi tau akoako atu. Fakaaoga a ata, mape, tiāti, io me ko nisi mea aka ke faka‵mafa atu ei a manatu tāua, kae e se ko fakamatalaga kolā e se tāua malosi. Fesoasoani atu ki au tino fakalogo‵logo ke masaua ne latou te mea tenā mo te manatu tāua i ei.

• Fakamautinoa aka me lavea ne au tino fakalogo‵logo te mea tenā.