Tala Fakatusa Kolā e Akoako Atu

Mataio 13:34, 35

MEA E ‵TAU O FAI: Fai ke magoi te auala e akoako atu ei koe mai te fakaaogaga o tala fakatusa faigofie kolā e ‵gali ki au tino fakalogo‵logo kae akoako atu ei a manatu tāua.

TE AUALA KE FAI EI:

• Fili a tala fakatusa faigofie. E pelā mo Iesu, ke fakaaoga a mea fo‵liki ke fakamatala ki ei a mea ‵lasi, mo mea faigofie ke fakamatala ki ei a mea faiga‵ta. Sa fakaopoopo ne fakamatalaga sē aoga kolā ka fai ei ke fui maina i te tala fakatusa. Fakamautinoa aka me i mea e fakaaoga i tau tala fakatusa e fetaui ‵lei mo te manatu tonu e akoako ne koe ke mo a ma ‵numi au tino fakalogo‵logo ona ko te sē fetaui o mea e fakaaoga i te tala fakatusa.

• Mafaufau faeloa ki mea kolā ka aoga ki au tino fakalogo‵logo. Filifili a tala fakatusa kolā e isi ne mea ne ‵tupu i ei kae e fia‵fia ki ei a tino fakalogo‵logo. Fakaeteete ke mo a ma fakamasiasi io me fai ei latou ke kaitāua e auala i au tala fakatusa.

• Akoako atu te manatu tāua. Saga tonu ki te fakamatalaatuga o manatu tāua, kae e se ko mea sē tāua. Fai ke masaua ne au tino fakalogo‵logo a te tala fakatusa pelā foki mo te manatu tāua i ei.