FATATUSI I TE ITANETI a te Faleleoleo Maluga
Faleleoleo Maluga
FATATUSI I TE ITANEI
Tuvalu
  • TUSI TAPU
  • TUSI
  • MEETINGS
  • lff mataupu 46
  • Kaia e ‵Tau ei o Fai se Tukuatuga Kae Papatiso?

E seai se vitio penei

Fakatoese atu, e isi se fakalavelave ki te peiga o te vitio

  • Kaia e ‵Tau ei o Fai se Tukuatuga Kae Papatiso?
  • Ke Ola ki te Se-Gata-Mai!—Sukesuke ki te Tusi Tapu
  • Ulutala fo`liki
  • Mataupu
  • KELI MALOSI IFO
  • MANATU AOGA
  • NISI FAKAMATALAGA
  • E Mata, ko Toka Koe ke Tuku Atu a Koe Eiloa ki a Ieova?
    Te Faleleoleo Maluga e Folafola Atu ei te Malo o Ieova (Sukesukega)—2024
  • E Mata, e ‵Tau mo au o Tuku Atu Toku Ola ki te Atua Kae Papatiso?
    Ne a Mea e Mafai o Tauloto ne Tatou Mai te Tusi Tapu?
  • E Mata, Koe ko Toka o Papatiso?
    Te Faleleoleo Maluga e Folafola Atu ei te Malo o Ieova (Sukesukega)—2020
  • E a ko Toka Koe ke Papatiso?
    Ke Ola ki te Se-Gata-Mai!—Sukesuke ki te Tusi Tapu
Nisi Mea
Ke Ola ki te Se-Gata-Mai!—Sukesuke ki te Tusi Tapu
lff mataupu 46
Mataupu 46. Se tagata e ‵talo tokotasi.

MATAUPU 46

Kaia e ‵Tau ei o Fai se Tukuatuga Kae Papatiso?

Printed Edition
Printed Edition
Printed Edition

E tuku atu koe ki a Ieova mai te tauto atu i se ‵talo me ka tapuaki atu fua koe ki a ia kae fakamuamua te faiga o tena loto i tou olaga. (Salamo 40:8) Mai tua ifo, ko koe loa ko papatiso. Mai te faiga penā, ko fakaasi ne koe ki nisi tino me ko oti ne fai tau tukuatuga. A te fakaikuga ke tuku atu ki a Ieova ko te ‵toe fakaikuga tāua eiloa ka fai ne tatou. Se a te mea e mafai o fakamalosi atu ki a koe ke fai se fakaikuga tāua penā kae ke ‵fuli tou olaga?

1. Se a te mea e mafai o fakamalosi atu ki se tino ke fai tena tukuatuga?

E fakamalosi aka ne te alofa ke fai te ‵tou tukuatuga ki a Ieova. (1 Ioane 4:10, 19) E fakamalosi mai te Tusi Tapu ki a tatou: “Alofa ki a Ieova tou Atua mo tou loto kātoa mo tou ola kātoa mo tou mafaufau kātoa mo tou malosi kātoa.” (Maleko 12:30) E se fakaasi atu fua ne tatou te ‵tou a‵lofa ki te Atua i ‵tou pati, kae e penā foki i ‵tou faifaiga. E pelā loa mo se tokolua kolā e a‵lofa tonu kae avaga, e fakamalosi foki tatou ne te alofa ki a Ieova ke tuku atu ki a ia kae papatiso.

2. Ne a fakamanuiaga e tuku atu ne Ieova ki ana Molimau papatiso?

Kafai koe ko papatiso, ko fai koe mo fai se vaega o te kāiga fiafia o Ieova. Ka lagona ei ne koe tena alofa i auala e uke, kae ka gasolo foki o pili koe ki a ia i lō te aso nei. (Faitau te Malaki 3:16-18.) I tafa o te fai o Ieova mo fai tou Tamana, ka maua foki ne koe se kāiga faka-te-agaga o taina mo tuagane i te lalolagi kātoa kolā e a‵lofa ki a ia kae a‵lofa foki ki a koe. (Faitau te Maleko 10:29, 30.) E tonu, e isi ne mea e ‵tau o fai ne koe a koi tuai o papatiso. E ‵tau o tauloto koe e uiga ki a Ieova, ke alofa ki a ia kae ke fakatuanaki ki tena Tama. Fakamuli loa, e ‵tau mo koe o tuku atu tou ola ki a Ieova. Kafai e fai ne koe a mea konā kae papatiso, ka sasale atu eiloa koe i te auala ki te ola se-gata-mai. E fai mai te Muna a te Atua: “A te papatisoga . . . e faka‵sao foki i ei koutou.”—1 Petelu 3:21.

KELI MALOSI IFO

Sukesuke ki pogai tāua e ‵tau ei o fai ne koe se tukuatuga ki a Ieova kae papatiso.

3. E ‵tau mo tatou katoa o filifili a te tino ka tavini tatou ki ei

I Isalaelu mua, ne mafau‵fau a nisi tino me e mafai o tapuaki latou ki a Ieova mo te atua ‵se ko Paala. Kae ne uga atu ne Ieova tena pelofeta ko Elia ke faka‵tonu aka te manatu ‵se tenei. Faitau te 1 Tupu 18:21, ko sau‵tala ei ki te fesili tenei:

  • Se a te filifiliga ne ‵tau o fai ne te kau Isalaelu?

E pela mo te kau Isalaelu, e ‵tau foki o filifili ne tatou a te tino ka tavini tatou ki ei. Faitau te Luka 16:13, ko sau‵tala ei ki fesili konei:

  • Kaia e se mafai ei ne tatou o tapuaki ki a Ieova kae tapuaki atu foki ki se tino io me se isi mea aka?

  • E fakaasi atu pefea ne tatou ki a Ieova me ne filifili tatou ke tapuaki atu ki a ia?

4. Mafaufau ‵loto ki te alofa o Ieova ki a koe

Ata valevale: Se tagata e mafaufau ki mea ne tuku atu ne te Atua ki a ia. 1. Te alofa, e fakaasi mai i te alofa o se mātua ki tena pepe. 2. Mea‵kai ‵gali, e fakaasi mai i fuagalakau mo vesiapolo kese‵kese. 3. Te Tusi Tapu. 4. Te taulaga togiola a Iesu Keliso.

Ne tuku mai ne Ieova ki a tatou a meaalofa tāua e uke. Ne a mea e mafai o tuku atu ne tatou ki a ia? Pei te VITIO.

VITIO: Ofo Atu Au Meaalofa ki te Atua (3:04)

Ne a nisi auala ne fakaasi atu ei ne Ieova te alofa ki a koe? Faitau te Salamo 104:14, 15 mo te 1 Ioane 4:9, 10, ko sau‵tala ei ki fesili konei:

  • Ne a meaalofa mai i a Ieova e fiafia malosi koe ki ei?

  • E pefea ou lagonaga ki a ia ona ko meaalofa konā?

Kafai e maua ne tatou se meaalofa telā e fia‵fia malosi tatou ki ei, e ma‵nako tatou ke fakaasi atu te loto fakafetai ki te tino ne tuku mai ne ia. Faitau te Teutelonome 16:17, ko sau‵tala ei ki te fesili tenei:

  • Kafai e mafaufau koe ki mea katoa ne fai ne Ieova mō koe, ne a mea ka tuku atu ne koe ki a ia ona ko tou loto fakafetai?

5. A te tukuatuga e maua mai i ei a fakamanuiaga e uke

E tali‵tonu a tino e tokouke me i te takutakua, te mauaga o se galuega ‵lei, io me ko tupe, ka fai ei latou ke fia‵fia. E mata, e tonu te mea tenā? Pei te VITIO, ko sau‵tala ei ki fesili konei.

VITIO: Ne Tāua ‵ki ki a Au te Futipōlo (5:45)

Ata valevale: Ata mai te vitio ‘Ne Tāua ‵ki ki a Au te Futipōlo.’ 1. Ko toe kamata o sukesuke a Andrey ki te Tusi Tapu. 2. Ko Andrey e talai tasi mo tena tama fafine.
  • E tiga eiloa ne fiafia malosi a te tino tafao i te vitio ki te futipōlo, kaia ne tiaki ei ne ia te galuega tenā?

  • Ne fakaiku aka ne ia ke tuku atu a ia ki a Ieova, kae e se ki te futipōlo. Se a tau faka‵tau, e ‵lei tena fakaikuga? Kaia?

A koi tuai o fai te apositolo ko Paulo mo fai se Kelisiano, ne kausaki atu a ia ki se galuega maluga. Ne akoako a ia ne se faiakoga lauiloa ki tulafono a te kau Iutaia. Kae ne tiaki ne ia te mea tenā ko te mea ke fai a ia mo fai se Kelisiano. E mata, ne salamo a Paulo? Faitau te Filipi 3:8, ko sau‵tala ei ki fesili konei:

  • Kaia ne taku ei ne Paulo, ana mea ne fai a koi tuai o fai a ia mo fai se Kelisiano, ki “kaiga ko oko eiloa i te uke”?

  • Ne a ana mea ne maua mai i ei?

  • Ka faka‵pau pefea ne koe a te taviniga ki a Ieova mo so se mea e mafai o fakaaoga ki ei tou olaga?

Ata valevale: 1. Ko Saulo, te Falesaio fia amiotonu, telā ne fakaigoa fakamuli ki a Paulo. 2. Ko Paulo, te apositolo fakamaoni, e tusi se tusi ki taina Kelisiano.

I te taimi ne fai ei a Paulo mo fai se Kelisiano, e uke atu ana mea ne maua i lō ana mea ne tiaki

MEA E FAI MAI NE NISI TINO: “E se ‵lei ke tuku atu tou ola ki te Atua.”

  • Kaia e mafaufau ei koe me se mea ‵lei ke tuku atu koe ki a Ieova?

MANATU AOGA

E fakamalosi aka tatou ne te alofa ke tuku atu tatou ki a Ieova kae papatiso.

Fesili

  • Kaia e ‵tau ei mo tatou o tapuaki mo te alofa katoatoa ki a Ieova?

  • E taui pefea ne Ieova ana Molimau papatiso?

  • E a, e fia fai ne koe tau tukuatuga ki a Ieova?

Mea e Mafai o Fai

NISI FAKAMATALAGA

Onoono ki te auala ne filifili ei ne se tino usuusu mo se tino tafao ke fai lā tukuatuga ki a Ieova.

E Fesili Mai a Talavou—Ne a Aku Mea ka Fai ki Toku Olaga? —Fakafoki te Mafaufau (6:54)

Mafaufau ki nisi pogai ke fai se tukuatuga.

“Kaia e Tuku Atu ei Koe ki a Ieova?” (Te Faleleoleo Maluga, Ianuali 1, 2010)

I te pese-vitio tenei, onoono ki te fiafia telā ne maua ne tino kolā ne fai olotou tukuatuga ki a Ieova.

Fakafetai Ieova (4:30)

I te tala “I se Fia Tausaga ne Mafaufau Au, ‘Kaia e ‵Nofo ei Tatou i Konei?’” faitau ki mea ne fakamalosi atu ki se fafine ke toe iloilo ne ia a mea tāua i tena olaga.

“E ‵Fuli ne te Tusi Tapu a Olaga o Tino” (Te Faleleoleo Maluga, Novema 1, 2012)

    Tusi Tuvalu (1981-2026)
    Log Out
    Log In
    • Tuvalu
    • Share
    • Nisi Manakoga
    • Copyright © 2025 Watch Tower Bible and Tract Society of Pennsylvania
    • Auala ki te Fakaaogaga
    • Saolotoga Faka-te-Tulafono
    • Privacy Settings
    • JW.ORG
    • Log In
    Share