Tali Ki Fesili Mai Te Tusi Tapu

E mafai pefea o maua te fiafia i te avaga?

E aoga eiloa a manatu fakatonutonu mai i te Tusi Tapu ki te atiakaga o se avaga fiafia me ne aumai i te Mafuaga o te avaga, ko Ieova te Atua. E akoako mai ki a tatou ke ati aka a uiga totino kolā e fai ei se avaga ke fiafia kae fakailoa mai i ei ki uiga masani kolā e mafai o fakamasei ei a te avaga. E akoako mai foki i ei auala o fesokotakiga kolā e fakamalosi aka ei a te fiafia i te avaga.—Faitau te Kolose 3:8-10, 12-14.

E ‵tau mo tāgata mo fāfine a‵vaga o fakatau āva kae fakaaloalo te suā tino ki te suā tino. Kafai e talia ne lāua tokolua a tiute kolā ne tuku atu ne te Atua ki a lāua i te fakaipoipoga, e mafai eiloa lāua o fia‵fia.—Faitau te Kolose 3:18, 19.

Se a te mea e fakatumau ne ia se avaga?

E mafai o ‵nofo tasi a tauavaga māfai e alofa te suā tino ki te suā tino. E akoako tatou ne te Atua ki te auala e fakaasi atu ei te alofa. A ia mo tena Tama, ko Iesu ko fakaakoakoga ‵lei katoatoa o te alofa sē fakapito.—Faitau te 1 Ioane 4:7, 8, 19.

Kafai e āva a tāgata mo fāfine a‵vaga ki te avaga e pelā me se fakatokaga a te Atua, ka tumau eiloa te ‵nofo tasi o latou. Ne fai ne te Atua a te avaga mo fai se fesokotakiga tumau i te va o se tagata mo se fafine ko te mea ke tokagamalie a kāiga. E mafai o tumau te avaga me ne faite ne te Atua a tāgata mo fāfine ke fesoasoani te suā tino ki te suā tino i te feitu faka-te-foitino mo lagonaga. Ne faite foki ne ia latou ki tena fakatusa, ke mafai o fakaakoako ki tena alofa.—Faitau te Kenese 1:27; 2:18, 24.

Ke maua a fakamatalaga e uke atu, onoono ki te mataupu e 14 o te tusi tenei, Ne a Mea e Akoako ‵Tonu Mai i te Tusi Tapu?, telā ne ‵lomi ne Molimau a Ieova

Faitau ki nisi tali ki fesili mai te Tusi Tapu i te Itaneti www.pr2711.com

[Ata i te itulau e 16]

Se a te vaegā fesokotakiga e maua ei te fiafia i te avaga?