Kamata i te masina tenei, ka se aofia i te fakatasiga i te kogāloto o te vaiaso a pati fakatomua fesoasoani kese‵kese e tolu. Kae ka aofia i te Tusi mō Fakatasiga ko te Olaga Kelisiano mo te Galuega Talai a manatu fesoasoani mō sau‵talaga telā e aofia i ei se fesili i te kamataga, se tusi faitau, mo se fesili mō te suā asiga ke fakatoka ei te auala mō te toe asiga. Ka tasi fua te vitio mō manatu fesoasoani mō sau‵talaga ka pei i vaiaso takitasi. E mafai o filifili aka ne tino talai me se a te tusi mai ‵tou Mea faigaluega mō fai Akoakoga e mafai o fakaaoga mo te taimi ke ofo atu ei—kāti i te asiga muamua io me ko te toe asiga. E se gata i ei, ka aofia i te tusi mō fakatasiga a manatu fesoasoani mō sau‵talaga e lua kolā ka ‵soko mai ki ei. Ka fesoasoani mai te auala tenei ke ‵saga tonu atu tatou ki ‵tou fakamoemoega ke akoako atu a “tino loto ‵lei katoa kolā e ‵tau o maua ne latou a te ola se-gata-mai.”—Gal 13:48.
Tōfiga o Tino A‵koga: Vaganā fua e fakaasi mai a pati fakatonutonu e uiga ki ei, ko ‵tau ei mo tino a‵koga o fakaasi mai a manatu fesoasoani mō sau‵talaga.