Manatu mō Sukesukega Totino mo Tapuakiga a Kāiga

Tatou e tapuaki ki a Ieova i potukau ‵lasi, i ‵tou fakatasiga, fono fo‵liki, mo fono ‵lasi kae e penā foki mo tino taki tokotasi mo kāiga. Konei a nāi manatu e mafai o fakaaoga mō sukesukega totino mo tapuakiga a kāiga:

• Fakatoka mō fakatasiga a te fakapotopotoga. E mafai o aofia i ei te usuga o pese kae fesoasoani ki tino katoa i te kāiga ke fakatoka sena tali.

• Faitau ki se tala i te Tusi Tapu. Ka oti, ko ‵lomi ei se ata o se mea ne tupu i te tala io me tusi sau mea ne tauloto.

• Sukesuke ki se ‵talo ne fakamau i te Tusi Tapu, kae sau‵tala ki manatu fesoasoani ke momea aka te ‵lei o au ‵talo.

• Onoono ki se vitio a te fakapotopotoga ko sau‵tala ei mo nisi tino io me tusi ki lalo se palakalafa e uiga ki ei.

• Fakatoka mō te galuega talai, kāti mai te fakaakoako a pati ke fai i ei.

• Onoono ki mea ne faite kae mafaufau ‵loto io me sau‵tala ki au mea ne tauloto e uiga ki a Ieova.a