Ke Momea Aka ‵Tou Ata‵mai I Te Galuega Talai​—Akoako Atu ‵Tou Tino A‵koga ke Fakatoka

TE POGAI E TĀUA EI: Kafai e fakatoka latou, e mafai eiloa ne tino a‵koga ki te Tusi Tapu o malamalama ‵lei kae masaua ne latou a mea e akoako atu ne tatou ki a latou. Ko lasi o te lotou malamalama mo te iloa, ko te vave ga‵solo foki o latou ki mua. Mai tua foki loa o te lotou papatisoga, ka ma‵nako eiloa latou o fakatoka mō te fakatasiga mo te galuega talai ko te mea ke “tumau i te matapula‵pula.” (Mat 25:13) Tela la, a te iloa te auala ke sukesuke mo te mauaga o se polokalame ‵lei e uiga ki te faiga o sukesukega ka aoga eiloa ki a latou i olotou olaga kātoa. Talu mai te kamataga, e ‵tau mo tatou o fesoasoani atu ki ‵tou tino a‵koga ke ati aka te uiga ko te fakatoka faka‵lei mō olotou akoga faka-te-Tusi Tapu.

TE AUALA KE FAI I EI:

• 

  Ke fai pelā me se fakaakoakoga ‵lei. (Loma 2:21) Fakatoka mō sukesukega takitasi mo te tino akoga. (km 11/15 3) Fai ke lavea ne ia tau tusi e māka

• 

  Fakamalosi atu a ia ke fakatoka. Kafai ko oti ne kamata te akoga, fai ke iloa ne ia me i te faiga o fakatokaga se vaega o te sukesukega faka-te-Tusi Tapu, kae fakamatala atu a mea aoga. Tuku atu ne manatu fesoasoani ki te auala e mafai ei ne ia o fakaavanoa te taimi ke fai ana fakatokaga. E ma‵nako a nisi faiakoga ke fakaaoga ne te tino akoga a te tusi a tena faiakoga telā ko oti ne māka i te taimi o te akoga ke fesoasoani atu ki te tino akoga ke lavea ne ia a mea aoga mai i ei. Fakamālō atu māfai e fakatoka a ia ki ei

• Fakaasi atu ki a ia te auala e fakatoka i ei. Mai mua atu i ei, ka fakaaoga eiloa ne faiakoga i te taimi o te akoga ke fakaasi atu ki olotou tino a‵koga te auala ke fakatoka ei mō se akoga