2 Na nna a edi akyiri+ no mu no, Yehowa fie bepɔw+ betim hɔ wɔ mmepɔw atifi,+ na wɔbɛma so asen nkoko nyinaa,+ na aman nyinaa bɛsen yuu akɔ hɔ.+

3 Aman bɛba wo kanea+ ho na ahene+ aba wo hann a ɛhyerɛn no ho.+

2 Na aman pii bɛkɔ akɔka sɛ: “Mommra+ mma yɛnkɔ Yehowa bepɔw so, Yakob Nyankopɔn fie,+ na ɔbɛkyerɛ yɛn n’akwan+ na yɛanantew n’atempɔn so.”+ Na Sion na mmara befi aba, na Yerusalem na Yehowa asɛm befi.+

11 “Saa da no, aman pii de wɔn ho bɛbata Yehowa+ ho na wɔayɛ me man;+ na mɛtena wo mfinimfini.” Na wubehu sɛ asafo Yehowa na wasoma me aba wo nkyɛn.+

23 “Nea asafo Yehowa aka ni, ‘Saa bere no, nnipa du a wɔka amanaman+ no kasa horow nyinaa bɛba abesuso+ Yudani+ biako atade mu aka sɛ: “Yɛne mo bɛkɔ,+ na yɛate sɛ Onyankopɔn ka mo ho.”’”+

9 Eyinom akyi no, mihui, na hwɛ! nnipakuw kɛse bi+ a obiara ntumi nkan wɔn, a wofi amanaman+ ne mmusuakuw ne nnipa+ ne kasa nyinaa mu,+ gyinagyina ahengua+ no ne Oguammaa no anim hyehyɛ ntade tenten fitafitaa;+ na wokurakura berɛw.+