Ɔwɛn-Aban INTANƐT SO NHOMAKORABEA

Dwom 16:10

Kyerɛw Kronkron—Wiase Foforo Nkyerɛase
- 10 Na worennyaw me kra wɔ Adamoa* mu.+
  Woremma wo nokwafo nhu amoa.+

Dwom 22:Atifi-31

Kyerɛw Kronkron—Wiase Foforo Nkyerɛase
- Wɔde ma dwonkyerɛfo, Adekyee Ɔforote so. Dawid dwom.
  
  22 Me Nyankopɔn, me Nyankopɔn, dɛn nti na woagyaw me?+
  Dɛn nti na wuntie+
  Me nsɛm a mede teɛm?+
  
  2 O me Nyankopɔn, mefrɛ wo adekyee, nanso wummua me;+
  Na edu anadwo nso a, menka m’ano ntom.+
  
  3 Woyɛ kronkron,+
  Na Israel ayeyi atwa wo ho ahyia.+
  
  4 Wo na yɛn agyanom de wɔn ho too wo so;+
  Wɔde wɔn ho too wo so, na wugyee wɔn.+
  
  5 Wo na wɔteɛɛm frɛɛ wo,+ na wugyee wɔn;+
  Wo na wɔde wɔn ho too wo so, na wɔn ani anwu.+
  
  6 Na me de, meyɛ osunson,+ menyɛ onipa,
  Meyɛ ahohorade ma nnipa ne atantanne ma aman.+
  
  7 Wɔn a wohu me nyinaa di me ho fɛw;+
  Wɔbaabae wɔn anom, na wɔwosowosow wɔn ti+ ka sɛ:
  
  8 “Ɔde ne ho ato Yehowa so.+ Ma Onnye no ɛ!+
  Sɛ wagye no atom ampa a, ma onnye no nkwa!”+
  
  9 Wone Nea oyii me fii ɔyafunu mu,+
  Bere a mitua me maame nufu ano no,+ woma minyaa ahotoso.
  
  10 Mifi ɔyafunu+ mu na wɔde me too wo so;
  Wone me Nyankopɔn fi me maame yam.+
  
  11 Mma me ne wo ntam nnware, efisɛ ahohia abɛn me,+
  Na ɔboafo foforo bi nni hɔ.+
  
  12 Anantwinini bebree atwa me ho ahyia;+
  Basan anantwinini ahoɔdenfo atwa me ho ahyia.+
  
  13 Wɔabuebue wɔn anom hwɛ me+
  Sɛ gyata a ɔretetew nam mu na ɔrebobom.+
  
  14 Wɔahwie me agu sɛ nsu,+
  Na me nnompe nyinaa ahunhuan.+
  Me koma ayɛ sɛ srade;+
  Anan wɔ me mu tɔnn.+
  
  15 M’ahoɔden asa sɛ kyɛmfɛre,+
  Me tɛkrɛma afam me dodom;+
  Owu mfutuma mu na wode me asi.+
  
  16 Akraman atwa me ho ahyia;+
  Nnebɔneyɛfo asafodɔm aka me ahyem.+
  Wokura me nsa ne me nan mu+ sɛ gyata.
  
  17 Mitumi kan me nnompe nyinaa.+
  Wɔn de, wɔhwɛ me, wɔhwɛ me hãã.+
  
  18 Wɔkyekyɛ me nguguso mu fa,+
  Na m’atade nso, wɔbɔ so ntonto.+
  
  19 O Yehowa, mma me ne wo ntam nnware.+
  O m’ahoɔden,+ yɛ ntɛm bɛboa me.+
  
  20 Gye me kra fi nkrante ano;+
  Gye m’ade koro no fi ɔkraman nsam.+
  
  21 Gye me fi gyata anom,+
  Tie me na gye me fi ɛkoɔ mmɛn mu.+
  
  22 Mɛbɔ wo din+ akyerɛ me nuanom;+
  Meyi wo ayɛ asafo mfinimfini.+
  
  23 Mo a musuro Yehowa nyinaa, munyi no ayɛ!+
  Yakob asefo nyinaa, monhyɛ no anuonyam!+
  Israel asefo nyinaa, mo ho mpopo n’anim.+
  
  24 Wammu ɔmanehunufo animtiaa,+
  Na wantan no n’amanehunu mu;+
  Wamfa n’anim anhintaw no;+
  Osu frɛɛ no no, otiei.+
  
  25 Nea woayɛ nti na meyi wo ayɛ asafo kɛse mu;+
  Metua me bɔhyɛ ade wɔ wɔn a wosuro wo no anim.+
  
  26 Ahobrɛasefo bedidi na wɔamee;+
  Wɔn a wɔhwehwɛ Yehowa no beyi no ayɛ.+
  Mo koma nnya nkwa daa.+
  
  27 Asase ano nyinaa bɛkae, na wɔadan aba Yehowa nkyɛn.+
  Amanaman mmusuakuw nyinaa bɛkotow w’anim.+
  
  28 Yehowa na ahenni wɔ no,+
  Ɔno na odi amanaman so.+
  
  29 Asase so akɛsefo nyinaa bedidi na wɔakotow;+
  Wɔn a wɔkɔ mfutuma mu nyinaa bɛkotow n’anim,+
  Na obiara renkora ne kra so da.+
  
  30 Nkyirimma bɛsom no;+
  Wɔbɛka Yehowa ho asɛm akyerɛ awo ntoatoaso.+
  
  31 Wɔbɛba na wɔabɛka ne trenee ho asɛm+
  Akyerɛ wɔn a wɔbɛwo wɔn no sɛ ɔno na wayɛ eyi.+

Dwom 34:20

Kyerɛw Kronkron—Wiase Foforo Nkyerɛase
- 20 Ɔhwɛ ne nnompe nyinaa so;
  Emu biako mpo mmu.+

Dwom 41:9

Kyerɛw Kronkron—Wiase Foforo Nkyerɛase
- 9 Nea me ne no te asomdwoe mu a mede me ho too no so mpo,+
  Nea na odi m’aduan no,+ wama ne nantin so atia me.+

Dwom 69:21

Kyerɛw Kronkron—Wiase Foforo Nkyerɛase
- 21 Wɔmaa me awɔnwene sɛ aduan,+
  Na wɔmaa me nsã nyinyanyinya sɛ memfa nkum me sukɔm.+

Yesaia 53:1-12

Kyerɛw Kronkron—Wiase Foforo Nkyerɛase
- 53 Hena na wagye nea yɛate no adi?+ Na hena na wɔayi Yehowa basa+ akyerɛ no?+ 2 Obefifi sɛ dubaa+ wɔ n’anim, te sɛ ntini wɔ asase kesee so. Ɔnyɛ onipa mũ biara, na onni anuonyam,+ na yehu no a, biribiara nni ne ho a ɛbɛma ne ho ayɛ yɛn akɔnnɔ.+
  
  3 Nnipa buu no animtiaa, na wɔpoo no;+ ɔyɛ onipa a ohuu yaw na onim yare.+ Na yɛde yɛn anim hintawee na n’ani antɔ yɛn anim.+ Nnipa buu no animtiaa, na yɛamfa no anyɛ hwee.+ 4 Nokwarem no, ɔno na ɔsoaa yɛn nyarewa;+ ogyee yɛn yaw hyɛɛ ne ho.+ Na yebuu no sɛ obi a Onyankopɔn atwe n’aso,+ wahwe no,+ na wama ne ho ahiahia no.+ 5 Nanso yɛn mmarato+ nti na wopiraa no,+ na yɛn mfomso nti na wobubuu no.+ Ogyee asotwe a ɛbɛma yɛanya asomdwoe,+ na ɔde n’akuru+ saa yɛn yare.+ 6 Yɛn nyinaa te sɛ nguan a wɔafom kwan;+ obiara afa ne kwan. Na Yehowa ama yɛn nyinaa bɔne abegu no so.+ 7 Wɔhyɛɛ no ahometew,+ na ɔmaa kwan ma wɔtan n’ani,+ nanso wammue n’ano. Wɔde no kɔe sɛ oguan a wɔrekokum no,+ na te sɛ oguan a wɔretwitwa ne nhwi a wayɛ komm no, ɔno nso ammue n’ano.+
  
  8 Wɔhyɛɛ no so de no kɔe a wannya atemmu;+ na hena na ɔbɛhaw ne ho sɛ obehu n’ase?*+ Wotwaa no+ fii ateasefo asase so.+ Me man mmarato+ nti na wɔboroo no.+ 9 Ne wu mu no, wobesie no wɔ abɔnefo+ ne adefo mu,+ nanso wanni nsɛmmɔne biara,+ na nnaadaasɛm nni n’anom.+
  
  10 Nanso na ɛsɔ Yehowa ani sɛ obebubu no,+ na ɔma ɔyaree.+ Sɛ ɔde ne kra to hɔ sɛ asodi afɔre a,+ obehu n’asefo,+ ɔbɛma ne nna akyɛ,+ na ne nsam na nea ɛsɔ Yehowa ani+ begyina.+ 11 Obehu ne kra amanehunu,+ na ne koma bɛtɔ ne yam.+ M’akoa+ treneeni no nimdeɛ nti, ɔbɛma nnipa pii anya trenee gyinabea;+ na ɔno ankasa bɛsoa wɔn bɔne.+ 12 Ɛno nti mɛma wanya kyɛfa wɔ nnipa pii mu+ na ɔne nnɔmmarima akyɛ asade,+ efisɛ ɔde ne kra maa owu,+ na wɔkan no fraa mmaratofo.+ Ɔno na ɔsoaa nnipa pii bɔne,+ na odi maa mmaratofo.+

Mika 5:1

Kyerɛw Kronkron—Wiase Foforo Nkyerɛase
- 5 “O ɔbabea a atamfo atow ahyɛ no so, twitwa wo ho akam,+ efisɛ wɔatwa yɛn ho ahyia.+ Na wɔde abaa bɛhwe Israel temmufo asom.+

Sakaria 9:9

Kyerɛw Kronkron—Wiase Foforo Nkyerɛase
- 9 “O Sion babea, ma w’ani nnye.+ O Yerusalem babea, teɛm bɔ ose.+ Hwɛ, wo hene+ reba wo nkyɛn.+ Ɔyɛ ɔtreneeni na wɔagye no nkwa;+ ɔbrɛ ne ho ase,+ na ɔte afurum so, afurummere ba so.+

Sakaria 11:12

Kyerɛw Kronkron—Wiase Foforo Nkyerɛase
- 12 Ɛnna meka kyerɛɛ wɔn sɛ: “Sɛ eye wɔ mo ani so a,+ momfa m’akatua mma me, na sɛ ɛnte saa a, munnyae.” Enti wɔde nnwetɛbona aduasa+ tuaa me ka.

Sakaria 13:7

Kyerɛw Kronkron—Wiase Foforo Nkyerɛase
- 7 “O nkrante, sɔre bra me guanhwɛfo+ no so, ɔbarima a ɔyɛ me yɔnko+ so,” asafo Yehowa asɛm ni. “Bɔ oguanhwɛfo no+ na nguan no mmɔ nhwete,+ na mɛdan me nsa aba nkumaa+ no so.”