Dɛn Na Yehowa Adansefo Gye Di?

Kurow mu mpanyimfo a na wɔwɔ afeha a edi kan Roma mu ka kyerɛɛ ɔsomafo Paulo sɛ: “Yɛpɛ sɛ yetie nea mugye di, efisɛ nea yenim fa Kristofo yi ho ara ne sɛ, wɔkasa tia wɔn wɔ baabiara!” (Asomafo no Nnwuma 28:22, The Living Bible) Ná wɔpɛ sɛ wotie asɛm no fi ne fibea ankasa sen sɛ wobetie afi wɔn a wɔwɔ akyi a wɔkasa tia wɔn no nkutoo nkyɛn.

Saa ara nso na nnɛ wɔkasa tia Yehowa Adansefo, na ɛbɛyɛ mfomso ama wo sɛ wobɛhwɛ kwan sɛ wubehu nokwasɛm a ɛfa wɔn ho no afi wɔn a wɔwɔ wɔn ho adwene a ɛnteɛ no nkyɛn. Enti ɛyɛ yɛn anigye sɛ yɛde nhomawa ahorow abiɛsa a ebiara kura nkratafa 32 a ɛkyerɛkyerɛ Yehowa Adansefo gyidi ahorow mu a ɛne Jehovah’s Witnesses in the Twentieth Century, School and Jehovah’s Witnesses, ne Yehowa Adansefo​—Wɔde Biakoyɛ Reyɛ Onyankopɔn Apɛde wɔ Wiase Nyinaa no bi bɛma wo de agye ¢150 pɛ.

Mesrɛ mo momfa nhomawa ahorow abiɛsa Jehovah’s Witnesses in the Twentieth Century, School and Jehovah’s Witnesses, ne Yehowa Adansefo​—Wɔde Biakoyɛ Reyɛ Onyankopɔn Apɛde wɔ Wiase Nyinaa no bi mmana me. Mede ¢150 ahyem de retua ka.