Ɔsom
Hena nko ara na ɛfata sɛ yɛsom no?
Ɛho nhwɛso a ɛwɔ Bible mu:
Mt 4:8-10—Satan ka kyerɛɛ Yesu sɛ, ɔbɔ ne mu ase baako pɛ som no a, ɔde wiase ahenni nyinaa bɛma no. Ná Yesu asi ne bo sɛ Yehowa nko ara na ɔbɛsom no, enti wamfa ne ti annye
Adi 19:9, 10—Ɔbɔfo bi a ɔwɔ tumi kɛse ampene amma ɔsomafo Yohane ankotow no
Sɛn na Yehowa pɛ sɛ yɛsom no?
Ɛho nhwɛso a ɛwɔ Bible mu:
Yes 1:10-17—Nnipa a wɔyɛ wɔn ho sɛ wɔsom Yehowa nanso wɔmfa n’asɛm mmɔ wɔn bra no, n’ani nnye wɔn som ho; ɛyɛ no tan koraa
Mt 15:1-11—Yesu kaa biribi a ɛma yehu sɛ, ɔsom a emfi komam a egyina nnipa ahyɛde so no, Yehowa ani nnye ho
Sɛ biribiara nsiw yɛn kwan a, henanom na ɛsɛ sɛ yɛne wɔn som Yehowa?
Hwɛ Dw 133:1-3 nso
Ɛho nhwɛso a ɛwɔ Bible mu:
Aso 2:40-42—Asomafo no bere so no, Kristofo boom bɔɔ mpae, wɔbɔɔ fekuw, na wɔboom suaa nkyerɛkyerɛ a efi Onyankopɔn hɔ
1Ko 14:26-40—Ɔsomafo Paul ka kyerɛɛ anuanom sɛ wɔkɔ asafo nhyiam a, wɔmma nneɛma nkɔ so, ne kwan so ne kwan so, na nhyiam no nhyɛ obiara nkuran, sɛnea ɛbɛyɛ a obiara bɛte nea wɔresua no ase
Dɛn na yɛyɛ a ɛbɛma yɛn som asɔ Yehowa ani?
Ɛho nhwɛso a ɛwɔ Bible mu:
Heb 11:6—Ɔsomafo Paul kyerɛɛ mu sɛ yehia gyidi na yɛn som atumi asɔ Yehowa ani yiye
Yak 2:14-17, 24-26—Yesu nua Yakobo kyerɛɛ mu sɛ ehia sɛ yɛde nnwuma ka yɛn gyidi ho. Yɛn gyidi na epusuw yɛn ma yɛyɛ nnwuma pa